​ഡേവിഡ് ജെയിംസ് 2021 വരെ ബ്ലാസ്‍റ്റേഴ‍്‍സ് പരിശീലകനായി തുടരും

കൊച്ചി: കേരള ബ്ലാസ്‍റ്റേഴ‍്‍സ് പരിശീലകൻ ഡേവിഡ് ജെയിംസുമായുള്ള കരാർ പുതുക്കി. രണ്ട് വർഷത്തേക്ക് കൂടിയാണ് കരാർ നീട്ടിയിരിക്കുന്നത്. ഇതോടെ 2021 വരെ ഡേവിഡ് ജെയിംസ് ടീമിൻെറ പരിശീലക സ്ഥാനത്ത് തുടരും.

എ.എഫ്.സി കപ്പിന് യോഗ്യത നേടുകയാണ് ടീമിൻെറ ലക്ഷ്യമെന്ന് ജെയിംസ് പറഞ്ഞു. ഇന്ത്യൻ സൂപ്പർ ലീഗിൻെറ നിലവിലുള്ള സീസണിൻെറ പകുതിയോടെയാണ് ജെയിംസിനെ ബ്ലാസ്‍റ്റേഴ‍്‍സ് പരിശീലക സ്ഥാനത്തേക്ക് തിരിച്ച് വിളിച്ചത്.

ടീമിൻെറ മോശം പ്രകടനത്തെ തുടർന്ന് റെനെ മ്യൂളൻസ്റ്റീൻ രാജി വെച്ചതോടെയാണ് ജെയിംസ് എത്തുന്നത്. താരത്തിൻെറ കീഴിൽ ടീം ഭേദപ്പെട്ട പ്രകടനം കാഴ്ച വെച്ചെങ്കിലും പ്ലേ ഓഫിൽ എത്താനായില്ല.