എെഎസ്എലിൽ മികച്ച പ്രകടനം ലക്ഷ്യമിട്ട് ഡൽഹി

ന്യൂഡൽഹി: എെഎസ്എലിൻെറ പുതിയ സീസണിൽ മികച്ച പ്രകടനം കാഴ്ച വെക്കാൻ ഡൽഹി ഡൈനാമോസ് ഒരുങ്ങുന്നു. കഴിഞ്ഞ ടൂർണമെൻറുകളിൽ സ്ഥിരതയാർന്ന പ്രകടനം നടത്തിയിട്ടുള്ള ടീമാണ് ഡൽഹിയുടേത്. ഇത്തവണ സെമി ബർത്ത് ഉറപ്പാക്കി ആദ്യ നാല് ടീമുകളിൽ ഒന്നാവുക എന്നതാണ് അവരുടെ പ്രധാന ലക്ഷ്യം.

കഴിഞ്ഞ രണ്ട് തവണയും അവർ സെമി കളിച്ചിരുന്നു. 2015ൽ എഫ് സി ഗോവയോടും കഴിഞ്ഞ സീസണിൽ കേരള ബ്ലാസ്റ്റേഴ്സിനോടും തോറ്റ് പുറത്താവുകയായിരുന്നു. ആദ്യ സീസണിൽ സെമി കാണാതെ പുറത്തായെങ്കിലും പിന്നീട് അവർ തിരിച്ച് വരികയായിരുന്നു.

സ്വന്തം കാണികൾക്ക് മുന്നിൽ നന്നായി കളിക്കുന്ന അവർക്ക് എവേ മത്സരങ്ങളിലാണ് കാലിടറിയത്. ഇത്തവണ ആ പോരായ്മ നികത്താൻ തന്നെയായിരിക്കും ടീമിൻെറ ശ്രമം.