ആദ്യ പകുതിയില്‍ 2 - 0 നും രണ്ടാം പകുതിയില്‍ 3 - 0 ലേക്കും ലീഡ് ഉയര്‍ത്തിയ കേരള ബ്ലാസ്റ്റേഴ്സ് എഫ് സി മത്സരം പൂര്‍ത്തിയാക്കിയത് 3 - 1 ന്റെ ജയത്തോടെ ആയിരുന്നു. 2022 - 2023 ഇന്ത്യന്‍ സൂപ്പര്‍ ലീഗിലെ കരുത്തരായ ടീമുകളില്‍ ഒന്നായ എഫ് സി ഗോവയ്ക്ക് എതിരായ ജയം കേരള ബ്ലാസ്റ്റേഴ്സ് എഫ് സിക്ക് ഉര്‍ജ്ജം പകരം എന്നതില്‍ സംശയമില്ല. എഫ് സി ഗോവയ്ക്ക് എതിരായ ജയത്തിനു ശേഷം കേരള ബ്ലാസ്റ്റേഴ്സ് എഫ് സി മുഖ്യ പരിശീലകന്‍ ഇവാന്‍ വുകോമനോവിച്ച് നടത്തിയ പത്രസമ്മേളനത്തില്‍ നിന്ന്.
കേരള ബ്ലാസ്റ്റേഴ്സ് ഇനിയും മെച്ചപ്പെടേണ്ടത് എവിടെ?
ഇന്ത്യന്‍ സൂപ്പര്‍ ലീഗ് സീസണ്‍ പോരാട്ടം ആരംഭിച്ച മിക്ക ടീമുകളും ചില പ്രശ്‌നങ്ങള്‍ പരിഹരിക്കാന്‍ ഇപ്പോഴും ശ്രമിച്ചു കൊണ്ടിരിക്കുകയാണ്. കേരള ബ്ലാസ്റ്റേഴ്സ് എഫ് സിയും ആ പ്രോസസില്‍ ആണ്. ഇന്ത്യന്‍ സൂപ്പര്‍ ലീഗ് ഫുട്‌ബോളിന്റെ മാത്രം പ്രത്യേകതയാണിത്. മത്സരം പുരോഗമിക്കുന്തോറുമാണ് ടീം സെറ്റാകുന്നത്. കളത്തിലെ ഏറ്റവും മികച്ച ഓപ്ഷനുകള്‍ കണ്ടെത്തുന്നതുവരെ പരീക്ഷണം തുടരും. അതുവരെ പോയിന്റ് നേടുക എന്നതാണ് പ്രധാനം. ഡിസംബര്‍, ജനുവരി മാസങ്ങളില്‍ പരമാവധി പോയിന്റ് നേടിയാല്‍ അവസാന ഘട്ടത്തിലേക്ക് കടക്കുമ്പോള്‍ അത്രയും സമ്മര്‍ദ്ദം കുറഞ്ഞിരിക്കും - ഇവാന്‍ വുകോമനോവിച്ച് പറഞ്ഞു.
ഗോവയ്ക്ക് എതിരായ രണ്ടാം പകുതിയെ കുറിച്ച്
സ്പാനിഷ് കരുത്തില്‍ കളിക്കുന്ന എഫ് സി ഗോവയെ കീഴടക്കാനുള്ള താക്കോല്‍ കണ്ടെത്തേണ്ടിയിരുന്നു. ആദ്യ പകുതിയില്‍ 2 - 0 ന്റെ ലീഡ് നേടാന്‍ സാധിച്ചത് ഏറ്റവും മനോഹരമായിരുന്നു. രണ്ടാം പകുതിയുടെ ആദ്യ 15 മിനിറ്റ് നിര്‍ണായകമാകും എന്ന് ഞങ്ങള്‍ക്ക് അറിയാമായിരുന്നു. അതുകൊണ്ടുതന്നെ ആ സമയം അതീവ ശ്രദ്ധാലുക്കളായി. അതിനിടെ ഒരു ഗോള്‍ കൂടി നേടാന്‍ സാധിച്ചത് കേരള ബ്ലാസ്റ്റേഴ്സ് എഫ് സി യുടെ ആത്മവിശ്വാസം വര്‍ധിപ്പിച്ചു. എഫ് സി ഗോവ മികച്ച കളിക്കാരുള്ള ഉജ്ജ്വല ടീമാണ്. മത്സരത്തിന്റെ ഏത് സമയത്തും പ്രഹരിക്കാനുള്ള ശേഷിയും കഴിവും അവര്‍ക്കുണ്ട്. ഏതായാലും വിലപ്പെട്ട മൂന്ന് പോയിന്റ് സ്വന്തമാക്കാന്‍ കേരള ബ്ലാസ്റ്റേഴ്സ് എഫ് സിക്ക് സാധിച്ചു. ഗോള്‍ കീപ്പറില്‍ നിന്നായിരുന്നു എഫ് സി ഗോവയുടെ നീക്കങ്ങള്‍. അവര്‍ എതിര്‍ ടീമിനെ ഒന്നടങ്കം അവരുടെ ബോക്‌സിലേക്ക് എത്തിച്ച്, പിന്നീട് പിന്നില്‍ ലഭിക്കുന്ന സ്‌പെയ്‌സ് മുതലാക്കുന്ന രീതിയിലാണ് കളിക്കുന്നത്. അത് തടയുകയായിരുന്നു ആദ്യ ലക്ഷ്യം - ഇവാന്‍ വുകോമനോവിച്ച് പറഞ്ഞു.
എഫ് സി ഗോവ മികച്ച ടീം
എഫ് സി ഗോവ ഇതുവരെ കളിച്ച എല്ലാ മത്സരങ്ങളിലും ആധിപത്യം പുലര്‍ത്തിയ ടീമാണ്. അതാണ് അവരുടെ രീതി. സ്പാനിഷ് കളിക്കാരും സ്പാനിഷ് പരിശീലകനും എല്ലാമുള്ള ക്ലബ്ബാണ് എഫ് സി ഗോവ. അവരെ കീഴടക്കേണ്ടത് എങ്ങനെ എന്ന് കണ്ടെത്തുക എന്നതാണ് പ്രധാനം. കഴിഞ്ഞ സീസണില്‍ എഫ് സി ഗോവയ്ക്ക് എതിരായ മത്സരം സമനിലയിലായിരുന്നു ( 4 - 4 ). അവര്‍ ഇന്ത്യന്‍ സൂപ്പര്‍ ലീഗിലെ ഏറ്റവും മികച്ച ടീമുകളില്‍ ഒന്നാണ്. റാങ്കിംഗില്‍ ആദ്യ സ്ഥാനങ്ങള്‍ക്ക് അര്‍ഹതപ്പെട്ട ടീം. അവര്‍ക്ക് മുന്നോട്ടുള്ള മത്സരങ്ങളില്‍ ഭാവുകങ്ങള്‍ നേരുന്നു. ഒപ്പം ഞങ്ങള്‍ ഒന്നിച്ചുള്ള കഠിനാധ്വാനം തുടരും. കാരണം, ഒന്നിച്ചുള്ള കഠിനാധ്വാനത്തിലൂടെ മാത്രമേ പോയിന്റ് സ്വന്തമാക്കാന്‍ സാധിക്കൂ - ഇവാന്‍ വുകോമനോവിച്ച് വ്യക്തമാക്കി.
Also Read : വെറുതെയല്ല ഈ വിജയം, ബ്ലാസ്റ്റേഴ്സ്-ഗോവ മത്സരത്തിൽ നിർണായകമായ 3 കാര്യങ്ങൾ
എഫ് സി ഗോവ മികച്ച ടീം
എഫ് സി ഗോവ ഇതുവരെ കളിച്ച എല്ലാ മത്സരങ്ങളിലും ആധിപത്യം പുലര്‍ത്തിയ ടീമാണ്. അതാണ് അവരുടെ രീതി. സ്പാനിഷ് കളിക്കാരും സ്പാനിഷ് പരിശീലകനും എല്ലാമുള്ള ക്ലബ്ബാണ് എഫ് സി ഗോവ. അവരെ കീഴടക്കേണ്ടത് എങ്ങനെ എന്ന് കണ്ടെത്തുക എന്നതാണ് പ്രധാനം. കഴിഞ്ഞ സീസണില്‍ എഫ് സി ഗോവയ്ക്ക് എതിരായ മത്സരം സമനിലയിലായിരുന്നു ( 4 - 4 ). അവര്‍ ഇന്ത്യന്‍ സൂപ്പര്‍ ലീഗിലെ ഏറ്റവും മികച്ച ടീമുകളില്‍ ഒന്നാണ്. റാങ്കിംഗില്‍ ആദ്യ സ്ഥാനങ്ങള്‍ക്ക് അര്‍ഹതപ്പെട്ട ടീം. അവര്‍ക്ക് മുന്നോട്ടുള്ള മത്സരങ്ങളില്‍ ഭാവുകങ്ങള്‍ നേരുന്നു. ഒപ്പം ഞങ്ങള്‍ ഒന്നിച്ചുള്ള കഠിനാധ്വാനം തുടരും. കാരണം, ഒന്നിച്ചുള്ള കഠിനാധ്വാനത്തിലൂടെ മാത്രമേ പോയിന്റ് സ്വന്തമാക്കാന്‍ സാധിക്കൂ - ഇവാന്‍ വുകോമനോവിച്ച് വ്യക്തമാക്കി.
ഗോവക്കെതിരായ വിജയം ബ്ലാസ്റ്റേഴ്സിന് സമ്മാനിക്കുന്ന ആത്മവിശ്വാസം ചെറുതല്ല
അടുത്ത കളി ഹൈദരാബാദില്‍
കേരള ബ്ലാസ്റ്റേഴ്സ് എഫ് സി യുടെ അടുത്ത മത്സരം നിലവിലെ ചാമ്പ്യന്മാരായ ഹൈദരാബാദ് എഫ് സിക്ക് എതിരേ അവരുടെ തട്ടകത്തില്‍ വെച്ചാണ്. 19-ാം തീയതിയാണ് കേരള ബ്ലാസ്റ്റേഴ്സ് എഫ് സി x ഹൈദരാബാദ് എഫ് സി പോരാട്ടം. 2022 - 2023 സീസണില്‍ ആറ് മത്സരങ്ങള്‍ പൂര്‍ത്തിയാക്കിയ ഹൈദരാബാദ് എഫ് സി ഇതുവരെ തോല്‍വി അറിഞ്ഞിട്ടില്ല. അഞ്ച് ജയവും ഒരു സമനിലും ഉള്‍പ്പെടെ 16 പോയിന്റുമായി ഹൈദരാബാദ് എഫ് സി ആണ് ലീഗിന്റെ തലപ്പത്ത്. ആറ് മത്സരങ്ങളില്‍ ഒമ്പത് പോയിന്റാണ് കേരള ബ്ലാസ്റ്റേഴ്സ് എഫ് സിക്ക് ഉള്ളത്.
Read Latest Sports News and Malayalam News