mala
ഇന്ത്യന് സൂപ്പര് ലീഗില് ബുധനാഴ്ച ഹൈദരാബാദ് എഫ്സി ഒഡീഷ എഫ്സിയെ നേരിടുന്നു. ഹൈദരാബാദിന്റെ ഹോം ഗ്രൗണ്ടായ ജിഎംസി ബാലയോഗി അത്ലറ്റിക് സ്റ്റേഡിയത്തിലാണ് മത്സരം നടക്കുക. ഹോം ഗ്രൗണ്ടെന്ന ആനുകൂല്യം ഉണ്ടെങ്കില് പോലും ആദ്യനാലിലെ കരുത്തരായ ഒഡീഷയ്ക്കെതിരായ മത്സരം ഹൈദരാബാദിന് എളുപ്പമായിരിക്കില്ല.
പോയിന്റ് പട്ടികയില് നാലാം സ്ഥാനത്താണ് ഒഡീഷ എഫ്സി ഉള്ളത്. ആദ്യഘട്ടത്തില് അല്പം പതറിപ്പോയെങ്കലും നിലവില് താളം കണ്ടെത്തിയിട്ടുണ്ട് ഒഡീഷ. മികച്ച പ്രകടനം കാഴ്ച വെക്കുന്ന ടീം നിലവില് 12 മത്സരങ്ങളില് നിന്ന് അഞ്ച് ജയത്തോടെ 18 പോയിന്റ് സ്വന്തമാക്കിയിട്ടുണ്ട്.
Also Read: ടി20 ലോകകപ്പില് ഡിവില്ലിയേഴ്സും? വമ്പന് പ്രഖ്യാപനത്തിന് ഒരുങ്ങി ദക്ഷിണാഫ്രിക്ക
അതേസമയം 12 മത്സരങ്ങള് പൂര്ത്തിയാക്കിയ ഹൈദരാബാദ് എഫ്സി സീസണിലെ അവസാന സ്ഥാനക്കാരായി പട്ടികയില് പത്താമതാണ് ഉള്ളത്. ലീഗില് ഇതുവരെ ഒരു ജയവും രണ്ട് സമനിലയുമാണ് ഹൈദരാബാദിന്റെ സമ്പാദ്യം. ഒമ്പത് മത്സരങ്ങളില് ടീം പരാജയം ഏറ്റുവാങ്ങി. ഇതുവരെ നേടാനായത് അഞ്ച് പോയിന്റ് മാത്രം.
അടുത്ത മത്സരത്തില് ജയിച്ചാല് 21 പോയിന്റുമായി എടികെയ്ക്ക് ഒപ്പമെത്താന് ഒഡീഷ എഫ്സിക്ക് സാധിക്കും. അതേസമയം അടുത്ത രണ്ട് മത്സരങ്ങളില് ജയിച്ചാല് പോലും പത്താം സ്ഥാനം വിട്ട് മുന്നോട്ട് കുതിക്കാന് ഹൈദരാബാദ് എഫ്സിക്ക് കഴിയില്ല. ടീമിന്റെ പ്ലേഓഫ് പ്രതീക്ഷകള് ഏറെക്കുറേ അവസാനിച്ചെന്ന് തന്നെ പറയേണ്ടി വരും.