ഇന്ത്യന്‍ ടീമംഗവും മലയാളിയുമായ കേരള ബ്ലാസ്റ്റേഴ്സ് താരം സഹല്‍ അബ്ദുള്‍ സമദിനെ പുകഴ്ത്തി മുഖ്യപരിശീലകന്‍ ഇല്‍കോ ഷട്ടോരി രംഗത്ത്. സഹല്‍ മികച്ച താരമാണെന്നും സഹലിന് വേണ്ടി താന്‍ എന്തു സഹായവും ചെയ്യാന്‍ ഒരുക്കമാണെന്നുമാണ് ഷട്ടോരി തുറന്ന് പറഞ്ഞത്. സഹലിനെതിരെ ഷട്ടോരി പ്രവര്‍ത്തിക്കുന്നു എന്ന ആരോപണങ്ങള്‍ ആരാധകര്‍ ഉയര്‍ത്തുന്നതിനിടെയാണ് കോച്ചിന്‍റെ പ്രതികരണം.
Also Read: ക്രിസ്റ്റ്യാനോ, പിഎസ്ജി; ഇപ്പോള്‍ സിറ്റി!! തട്ടിപ്പ് പുറത്തെത്തിച്ചത് ഈ തടവുകാരന്‍
യുവതാരം സഹൽ അബ്ദുൽ സമദ് വളരെയേറെ പ്രതിഭയുള്ള താരമാണ്. അദ്ദേഹത്തിന്‍റെ വളർച്ചയ്ക്ക് സഹായിക്കാൻ വേണ്ടി താൻ എന്ത് ചെയ്യാനും തയ്യാറാണെന്ന് ഈൽകോ ഷറ്റോരി വ്യക്തമാക്കി. സഹലിനെ ബെംഗളൂരുവിനെതിരെ വിങ്ങിൽ കളിപ്പിച്ചത് പരിചയസമ്പത്തിന് വേണ്ടിയാണ്. ഹോളണ്ടിൽ ഒക്കെ ഇത്തരം പ്രതിഭയുള്ള താരങ്ങളെ വിങ്ങിൽ കളിപ്പിച്ചാണ് വളർത്തിയെടുക്കുന്നതെന്നും അദ്ദേഹം കൂട്ടിച്ചേര്‍ത്തു.
Also Read: വീണ്ടും എട്ടിന്‍റെ പണി!! മാഞ്ചസ്റ്റര്‍ സിറ്റി നാശത്തിലേക്കോ? പ്രീമിയര്‍ ലീഗും നടപടിക്ക് ഒരുങ്ങുന്നു
വിങ്ങിൽ കളിക്കുന്നതിലൂടെ യുവ താരങ്ങൾക്ക് മത്സരത്തില്‍ നിന്ന് പലതും പെട്ടെന്ന് പഠിച്ചെടുക്കാൻ സാധിക്കും. മധ്യനിരയിൽ പക്ഷേ കാര്യങ്ങൾ അത്ര എളുപ്പമല്ല. സഹൽ കഴിഞ്ഞ മത്സരത്തില്‍ മികവാര്‍ന്ന പ്രകടനമാണ് കാഴ്ചവെച്ചത്. വളരെയേറെ ഉയരങ്ങളില്‍ എത്താനുള്ള പ്രതിഭ സഹലിനുണ്ട്. സഹൽ വലിയ താരമായി മാറുമെന്നും എന്നാല്‍ അതിന് സമയം എടുക്കുമെന്നും ഇല്‍കോ ഷറ്റോരി പറഞ്ഞു.