Kerala Blasters Vs Bengaluru FC: എെഎസ്എല്ലിൽ ഇന്ന് തീപാറും പോരാട്ടം

കൊച്ചി: ഇന്ത്യൻ സൂപ്പർ ലീഗിൽ ഇന്ന് ആരാധകർ കാത്തിരുന്ന ആവേശപ്പോരാട്ടം. ദക്ഷിണേന്ത്യൻ ടീമുകളായ കേരള ബ്ലാസ്‍റ്റേഴ‍്‍സും ബെംഗലൂരു എഫ്.സിയും തമ്മിലാണ് ഇന്നത്തെ മത്സരം. കൊച്ചിയിലെ ജവഹർലാൽ നെഹ്റു സ്റ്റേഡിയത്തിൽ വൈകീട്ട് 7.30നാണ് പോരാട്ടം.

ലീഗിൽ ഏറ്റവും കൂടുതൽ ആരാധകരുള്ള രണ്ട് ടീമുകൾ തമ്മിലാണ് മത്സരം. കഴിഞ്ഞ സീസണിൽ കൊച്ചിയിൽ ഇരുടീമുകളും തമ്മിൽ ഏറ്റുമുട്ടിയപ്പോൾ എതിരില്ലാത്ത മൂന്ന് ഗോളുകൾക്കാണ് ബ്ലാസ്‍റ്റേഴ‍്‍സ് തോറ്റത്. സ്വന്തം മണ്ണിൽ ടീമിൻെറ ഏറ്റവും കനത്ത പരാജയമായിരുന്നു ഇത്.

ലീഗിലെ ഏറ്റവും മികച്ച ടീമുകളിൽ ഒന്നാണ് ബെംഗലൂരു എഫ്.സി. അതിനാൽ തന്നെ ഇന്നത്തെ മത്സരത്തെ ഏറെ പ്രാധാന്യത്തോടെയാണ് കാണുന്നത്.