മത്സരം അവസാനിക്കുമ്പോൾ ഐഎസ്എല്ലിൽ വീണ്ടും സമനില. ജംഷഡ്പൂരിനെതിരെ അവസാന മിനുട്ടിൽ നോർത്ത് ഈസ്റ്റ് യുണൈറ്റഡ് സമനില സ്വന്തമാക്കി. ഐഎസ്എല്ലിലെ കഴിഞ്ഞ കുറച്ച് മത്സരങ്ങൾ തുടർച്ചയായി സമനിലയിലാണ് അവസാനിക്കുന്നത്.
90ാം മിനുട്ടിൽ ജംഷഡ്പൂരിൻറെ നെഞ്ച് തകർത്ത് നോർത്ത് ഈസ്റ്റ് യുണൈറ്റഡ്. ട്രയാഡിസ് ആണ് നോർത്ത് ഈസ്റ്റ് യുണൈറ്റഡിന് സമനില നേടിക്കൊടുത്തത്.
ആദ്യപകുതി അവസാനിക്കുമ്പോൾ സെർജിയോ കാസ്റ്റൽ നേടിയ ഒരു ഗോൾ ലീഡുമായി ജംഷഡ്പൂർ എഫ്സി. ഗോളിനൊപ്പം നിരവധി മികച്ച മുന്നേറ്റങ്ങളാണ് ജംഷഡ്പൂർ നടത്തിയത്. യുവതാരം ഫറൂക് ചൌധരി മികച്ച പ്രകടനമാണ് ആദ്യപകുതിയിൽ പുറത്തെടുത്തത്.
29ാം മിനുട്ടിൽ ജംഷഡ്പൂർ എഫ്സി ലീഡ് നേടുന്നു. ജംഷഡ്പരിൻറെ സൂപ്പർ താരം സെർജിയോ കാസ്റ്റലാണ് ടീമിന് ലീഡ് നേടിക്കൊടുത്തത്. സ്കോർ ജംഷഡ്പൂർ എഫ്സി 1-0 നോർത്ത് ഈസ്റ്റ് യുണൈറ്റഡ്
ഇന്ത്യന് സൂപ്പര് ലീഗിന്റെ ആറാം സീസണിലെ 30ാമത്തെ മത്സരമായ ഇന്ന് കരുത്തരായ ജംഷഡ്പൂര് എഫ്സിയും നോര്ത്ത് ഈസ്റ്റ് യുണൈറ്റഡും തമ്മില് കൊമ്പുകോര്ക്കുന്നു. ജംഷഡ്പൂരിന്റെ തട്ടകമായ ജെആര്ഡി ടാറ്റ സ്പോര്ട്സ് കോംപ്ലക്സിലാണ് മത്സരം നടക്കുന്നത്.
ഇതുവരെ നാല് മത്സരങ്ങളില് നേര്ക്കുനേര് വന്നിട്ടുള്ള ജംഷഡ്പൂരും നോര്ത്ത് ഈസ്റ്റും മൂന്ന് മത്സരങ്ങളിലും സമനില വഴങ്ങിയപ്പോള് ഒരു മത്സരത്തില് ജംഷഡ്പൂര് ജയിച്ചു. പട്ടികയില് 10 പോയിന്റുമായി മൂന്നാം സ്ഥാനത്താണ് ജംഷഡ്പൂര്. അതേസമയം ഒമ്പത് പോയിന്റുമായി അഞ്ചാം സ്ഥാനത്താണ് നോര്ത്ത് ഈസ്റ്റ്. ഇന്നത്തെ മത്സരത്തില് ജയിക്കുന്നവര്ക്ക് ഒന്നാം സ്ഥാനത്തേക്ക് മുന്നേറാനാകും.