മത്സരം പൂർണ സമയം പിന്നിട്ടപ്പോൾ കേരള ബ്ലാസ്റ്റേഴ്സിന് വീണ്ടും സമനിലക്കുരുക്ക്. തുടർച്ചയായ ആറാം മത്സരമാണ് ബ്ലാസ്റ്റേഴ്സ് ജയമില്ലാതെ പൂർത്തിയാക്കുന്നത്. 75ാം മിനുട്ടിൽ മത്സരത്തിൽ നിർണായകമായ ലീഡ് നേടാൻ ബ്ലാസ്റ്റേഴ്സിന് കഴിഞ്ഞെങ്കിലും അത് നിലനിർത്താൻ കഴിയാതെ പോയി.
തൊട്ടടുത്ത മിനുട്ടിൽ തിരിച്ചടിച്ച് മുംബൈ. അമീൻ ഷെർമിറ്റിയാണ് മുംബൈയ്ക്ക് വേണ്ടി സമനില ഗോൾ കണ്ടെത്തിയത്. സ്കോർ ബ്ലാസ്റ്റേഴ്സ് 1-1 മുംബൈ.
75ാം മിനുട്ടിൽ മെസി ബൌളി ബ്ലാസ്റ്റേഴ്സിന് ലീഡ് നേടിക്കൊടുക്കുന്നു.
ആദ്യപകുതി അവസാനിക്കുമ്പോൾ കേരള ബ്ലാസ്റ്റേഴ്സും മുംബൈയും ഗോൾരഹിത സമനിലയിൽ പിരിഞ്ഞു. മത്സരരത്തിൻറെ ആദ്യപകുതി പൂർണമായും ബ്ലാസ്റ്റേഴ്സിനൊപ്പമായിരുന്നു. ആദ്യപകുതി ഗോളൊന്നും പിറന്നില്ലെങ്കിലും ബ്ലാസ്റ്റേഴ്സ് കൃത്യമായ മേധാവിത്തം പുലർത്തി.
27ാം മിനുട്ടിൽ മുംബൈ ഗോൾമുഖത്ത് ഭീഷണിയായി റാഫേൽ മെസി ബൌളി. മനോഹരമായ ഒരു ബൈസിക്കിൾ കിക്ക് മുംബൈ പോസ്റ്റിലേക്ക്. പക്ഷേ ഗോൾകീപ്പർ തട്ടിയകറ്റുന്നു.
ക്യാപ്റ്റൻ ബർത്തലോമിയോ ഒഗ്ബെചെ ഇല്ലാതെയാണ് ബ്ലാസ്റ്റേഴ്സ് ഇറങ്ങിയിരിക്കുന്നത്. പകരം സെർജിയോ സിഡോഞ്ചയാണ് ക്യാപ്റ്റൻറെ ആംബാൻഡ് അണിഞ്ഞിരിക്കുന്നത്. മുന്നേറ്റത്തിൽ മെസി ബൌളി മാത്രം..
ഐഎസ്എല്ലില് തങ്ങളുടെ ഏഴാം മത്സരത്തിനായി കേരള ബ്ലാസ്റ്റേഴ്സ് ഇന്നിറങ്ങുന്നു. പോയിന്റ് പട്ടികയില് തങ്ങളേക്കാള് ഒരു പടി മാത്രം മുകളിലുള്ള മുംബൈ സിറ്റി എഫ്സിയാണ് കൊമ്പന്മാരുടെ എതിരാളികള്. മുംബൈയുടെ തട്ടകമായി മുംബൈ ഫുട്ബോള് അരീനയിലാണ് മത്സരം നടക്കുന്നത്.
പുതിയ സീസണില് കേരള ബ്ലാസ്റ്റേഴ്സും മുംബൈ സിറ്റിയും ഇതുവരെ ആറ് മത്സരങ്ങളാണ് പൂര്ത്തിയാക്കിയിരിക്കുന്നത്. ഇതില് ഒരു വിജയവും രണ്ട് സമനിലയും മൂന്ന് പരാജയവുമാണ് കേരള ബ്ലാസ്റ്റേഴ്സിന് നേരിടേണ്ടി വന്നത്. ആറ് മത്സരങ്ങളില് നിന്ന് അഞ്ച് പോയിന്റ് മാത്രം സ്വന്തമാക്കിയിട്ടുള്ള ബ്ലാസ്റ്റേഴ്സ് പട്ടികയില് എട്ടാം സ്ഥാനത്താണുള്ളത്.
Also Read: Copa America 2020: ഗ്രൂപ്പ് പ്രഖ്യാപിച്ചപ്പോള് ഞെട്ടിയത് അര്ജന്റീന!!! ഏഷ്യക്കാര് ബ്രസീലിനൊപ്പം
അതേസമയം ഇതിന് സമാനമായ പ്രകടനം തന്നെയാണ് മുംബൈ സിറ്റിയും ഇതുവരെയുള്ള മത്സരങ്ങളില് കാഴ്ച വെച്ചിട്ടുള്ളത്. ആറ് കളികള് പൂര്ത്തിയാക്കിയപ്പോള് ഒരു ജയവും രണ്ട് പരാജയവും മൂന്ന് സമനിലയുമാണ് മുംബൈയുടെ അക്കൊണ്ടിലുള്ളത്. ഇതില് നിന്നും ആറ് പോയിന്റ് സ്വന്തമാക്കിയിട്ടുള്ള മുംബൈ പട്ടികയില് ബ്ലാസ്റ്റേഴ്സിന് തൊട്ട് മുകളില് ഏഴാം സ്ഥാനത്താണ് ഉള്ളത്.
Also Read: ലോക ഫുട്ബോളിലെ അഞ്ച് സൂപ്പര് ഗോള്കീപ്പര്മാര്? പോരാട്ടത്തില് ബ്രസീലിനൊപ്പം ആര്!! ആരാണ് കേമനെന്നറിയാം