മത്സരം പൂർത്തിയാകുമ്പോൾ എതിരില്ലാത്ത മൂന്ന് ഗോളുകൾക്ക് ഒഡീഷ എഫ്സിയെ പരാജയപ്പെടുത്തി എഫ്സി ഗോവ. അരിടാൻ സന്താന അടക്കമുള്ളവർ മികച്ച അവസരങ്ങൾ തുറന്നെങ്കിലും ഒഡീഷയ്ക്ക് ഗോൾ കണ്ടെത്താനായില്ല.
89ാം മിനുട്ടിൽ ലഭിച്ച പെനൽറ്റി കൃത്യമായി വലയിലെത്തിച്ച് ഫെറാൻ കോറോ ഗോവയുടെ ലീഡ് മൂന്നാക്കി ഉയർത്തുന്നു.
85ാം മിനുട്ടിൽ ലീഡുയർത്തി ഗോവ. ബ്രാൻഡൻ ഫെർണാണ്ടസ് ബോക്സിന് തൊട്ട് പുറത്ത് നിന്ന് തൊടുത്ത ഷോട്ട് പിടിച്ചെടുക്കാൻ ഒഡീഷ കീപ്പർക്ക് കഴിയാതെ പോകുന്നു. കയ്യിൽ തട്ടി പന്ത് വലയിലേക്ക്.
മത്സരത്തിൻറെ ആദ്യപകുതി പൂർണമാകുന്നു. കോറോമിനാസ് നേടിയ ഏകഗോളിൽ ആദ്യപകുതി തങ്ങളുടേതാക്കി മാറ്റുന്നു എഫ്സി ഗോവ. സ്കോർ എഫ്സി ഗോവ1- 0 ഒഡീഷ എഫ്സി.
19ാം മിനുട്ടിൽ ഗോവ സ്കോർ ബോർഡ് തുറക്കുന്നു. ഗോവയുടെ ഗോളടി യന്ത്രം ഫെറാൻ കോറോമിനാസ് ആണ് മനോഹരമായ ഒരു ഗോളിലൂടെ ടീമിന് ലീഡ് നേടിക്കൊടുത്തത്.
ഇന്ത്യന് സൂപ്പര് ലീഗില് കരുത്തരായ എഫ്സി ഗോവ ഇന്ന് ഒഡീഷ എഫ്സിയെ നേരിടുന്നു. ഇരുടീമുകളും തങ്ങളുടെ ഒമ്പതാമത്തെ മത്സരത്തിനായാണ് ഇന്ന് കളത്തിലിറങ്ങുക. ലീഗില് മിന്നും ഫോമിലാണ് ഇപ്പോള് ഗോവയുള്ളത്. ഒഡീഷ അവര്ക്ക് അപകടകാരികളായ എതിരാളികളല്ല. ഗോവയുടെ സ്വന്തം തട്ടകമായ ഫറ്റോര്ഡ സ്റ്റേഡിയത്തിലാണ് മത്സരം നടക്കുന്നത്.
സീസണില് ഇതുവരെ എട്ട് മത്സരങ്ങളാണ് ഗോവ കളിച്ചിട്ടുള്ളത്. ഈ മത്സരങ്ങളില് എല്ലാം മികച്ച പ്രകടനം തന്നെയാണ് ഗോവ പുറത്തെടുത്തിട്ടുള്ളത്. എന്നാല് അത്രമേല് പ്രതീക്ഷ പകരുന്നതല്ല ഒഡീഷയുടെ പ്രകടനങ്ങളെന്ന് പറയാതിരിക്കാനാവില്ല. പോയിന്റ് പട്ടികയില് 15 പോയിന്റുമായി ഗോവ മൂന്നാം സ്ഥാനത്ത് തുടരുമ്പോൾ ഒമ്പത് പോയിന്റുമായി ഏഴാം സ്ഥാനത്താണ് ഒഡീഷ എഫ്സി ഉള്ളത്.