ISL 2019-20: ആദ്യജയം നേടി നോർത്ത് ഈസ്റ്റ്; തോറ്റ് മടങ്ങി ഒഡീഷ

84ാം മിനുട്ടിൽ നോർത്ത് ഈസ്റ്റ് ലീഡുയർത്തി. അസമോവ് ഗ്യാനാണ് ഗോൾ നേടിയത്. സ്കോർ നോർത്ത് ഈസ്റ്റ് 2-1 ഒഡീഷ.

72ാം മിനുട്ടിൽ ഒഡീഷ പത്ത് പേരായി ചുരുങ്ങി. നോർത്ത് ഈസ്റ്റിൻറെ മാക്സ്മിലിയാനോ ഫറെയ്റോയെ ഫൌൾ ചെയ്ത് വീഴ്ത്തിയതിന് ഒഡീഷയുടെ സെൻറർ ബാക്ക് ഡെൽഗാഡോയ്ക്ക് ഡയറക്ട് ചുവപ്പ് കാർഡ്.

അധികം വൈകാതെ പകരക്കാരനിലൂടെ ഒഡീഷയ്ക്ക് സമനില ഗോൾ. മനോഹരമായൊരു തൂവൽ സ്പർശത്തിലൂടെ സിസ്കോയാണ് സമനില ഗോൾ സ്വന്തമാക്കിയത്.

രണ്ടാം പകുതിയിൽ ഒഡീഷയ്ക്കായി സിസ്കോ കളത്തിലിറങ്ങുന്നു.

ആദ്യപകുതിയിൽ എതിരില്ലാത്ത ഒരു ഗോളിന് മുന്നിട്ട് നിൽക്കുകയാണ് നോർത്ത് ഈസ്റ്റ് യുണൈറ്റഡ് എഫ്സി. മനോഹരമായ ഒരു മുന്നേറ്റത്തിലൂടെ നാല് പ്രതിരോധ താരങ്ങളെ കബളിപ്പിച്ചാണ് റെഡീം ലാങ്ങ് ഗോൾ കണ്ടെത്തിയത്.

പിന്നാലെ ഗോൾ തിരിച്ചടിക്കാനുള്ള ശ്രമമാണ് ഒഡീഷ നടത്തിയത്. മികച്ച ചില അവസരങ്ങൾ സൃഷ്ടിക്കാനും ഒഡീഷയ്ക്ക് സാധിച്ചു. ചെറിയ വ്യത്യാസത്തിലാണ് ഒഡീഷയ്ക്ക് ചില ഗോളവസരങ്ങൾ നഷ്ടമായത്.

രണ്ടാം മിനുട്ടിൽ ഗോൾ. നോർത്ത് ഈസ്റ്റ് രണ്ടാം മിനുട്ടിൽ തന്നെ ലീഡ് നേടുന്നു. റെഡീം ലാങ്ങ് ആണ് നോർത്ത് ഈസ്റ്റ് യുണൈറ്റഡിനെ മുന്നിലെത്തിച്ചത്.

മത്സരത്തിൻറെ തുടക്കത്തിൽ തന്നെ നോർത്ത് ഈസ്റ്റിൻറെ മികച്ച മുന്നേറ്റം.

ഇന്ത്യന്‍ സൂപ്പര്‍ ലീഗിന്‍റെ ആറാം സീസണിലെ ആദ്യജയം സ്വന്തമാക്കാന്‍ നോര്‍ത്ത് ഈസ്റ്റ് യുണൈറ്റഡ് എഫ്സിയും ഒഡീഷ എഫ്സിയും നേര്‍ക്കുനേര്‍. സീസണില്‍ ഓരോ മത്സരം വീതം പൂര്‍ത്തിയാക്കിയ ഇരുടീമുകള്‍ക്കും ജയം നേടാനായിട്ടില്ല. ആദ്യമത്സരത്തില്‍ നോര്‍ത്ത് ഈസ്റ്റ് സമനില വഴങ്ങുകയും ഒഡീഷ പരാജയപ്പെടുകയുമായിരുന്നു.