ജയത്തോടെ 30 പോയിൻറ് സ്വന്തമാക്കിയ എടികെ പോയിൻറ് പട്ടികയിൽ വീണ്ടും ഒന്നാം സ്ഥാനത്തേക്ക് കുതിച്ചു. ഗോൾ വ്യത്യാസത്തിലാണ് ഗോവയെ പിന്തള്ളി എടികെ ഒന്നാമതെത്തിയത്. ഗോവയ്ക്കും 30 പോയിൻറുണ്ട്.
മത്സരം പൂർത്തിയാകുമ്പോൾ എതിരില്ലാത്ത മൂന്ന് ഗോളുകൾക്ക് ജംഷഡ്പൂരിനെ പരാജയപ്പെടുത്തി എടികെ. എടികെയ്ക്കായി റോയ് കൃഷ്ണ ഇരട്ട ഗോളുകളും എഡു ഗാർഷ്യ ഒരു ഗോളും സ്വന്തമാക്കി.
മത്സരം ആരംഭിച്ച് രണ്ടം മിനുട്ടിൽ തന്നെ റോയ് നേടിക്കൊടുത്ത ഗോളിൽ എടികെ മുന്നിട്ട് നിൽക്കുന്നു. ആദ്യപകുതി അവസാനിക്കുമ്പോൾ എടികെ 1-0 ജംഷഡ്പൂർ.
ഇന്ത്യന് സൂപ്പര് ലീഗില് കൈവിട്ടുപോയ ഒന്നാം സ്ഥാനം തിരിച്ചുപിടിക്കാനൊരുങ്ങി എടികെ വീണ്ടുമിറങ്ങുന്നു. ജംഷഡ്പൂര് എഫ്സിയാണ് എടികെയുടെ എതിരാളികള്. ജംഷഡ്പൂരിനെ പരാജയപ്പെടുത്തിയാല് 30 പോയിന്റമായി ഒന്നാം സ്ഥാനത്തേക്ക് മുന്നേറാന് എടികെയ്ക്ക് സാധിക്കും.
ജാവി ഹെര്ണാണ്ടസും റോയ് കൃഷ്ണയുമാണ് എടികെയുടെ മുന്നേറ്റനിരയില് ഇറങ്ങുന്നത്. പരിക്കേറ്റ സൂപ്പര് താരം ഡേവിഡ് വില്യംസിന് ഇതുവരെ ടീമില് തിരിച്ചെത്താന് കഴിഞ്ഞിട്ടില്ല. അതേസമയം മലയാളി താരം അനസ് എടത്തൊടിക ആദ്യ ഇലവനില് ഇടം പിടിച്ചിട്ടുണ്ട്.
സുമീത് പസ്സിയും സെര്ജിയോ കാസ്റ്റലുമാണ് ജംഷജ്പൂരിന്റെ മുന്നേറ്റതതില് ഉള്ളത്. ടീമിന്റെ ഗോളടി യന്ത്രമായ സെര്ജിയോ കാസ്റ്റലും റോയ് കൃഷ്ണയും തമ്മിലുള്ള മത്സരം കൂടിയാകും ഇന്ന് ജംഷഡ്പൂരിന്റെ തട്ടകത്തില് നടക്കുക.