നിലവിലുള്ള ചാമ്പ്യൻമാരായ ബെംഗലൂരു എഫ്.സിയും നിലവിലുള്ള റണ്ണേഴ്സ് അപ്പായ ഗോവയും തമ്മിൽ നടന്ന ഐഎസ്എൽ പോരാട്ടം 1-1ന് സമനിലയിൽ പിരിഞ്ഞു. ആദ്യപകുതിയിൽ ആരും ഗോളടിച്ചിരുന്നില്ല. രണ്ടാം പകുതിയുടെ 62ാം മിനിറ്റിൽ ഉദാന്ത സിങിലൂടെയാണ് ബെംഗലൂരു മുന്നിലെത്തിയത്.
വിജയം ഉറപ്പിച്ചെന്ന് തോന്നിച്ച അവസാന നിമിഷത്തിലാണ് ഒടുവിൽ അവർ പെനാൽറ്റി വഴങ്ങിയത്. ഇഞ്ചുറി ടൈം അവസാനിക്കാൻ ഒരു നിമിഷം ബാക്കി നിൽക്കെ ലഭിച്ച പെനാൽറ്റി കോറോമിനാസ് ഗോളാക്കി മാറ്റി. ആദ്യമത്സരത്തിൽ ഗോവ വിജയിച്ചിരുന്നു. ബെംഗലൂരുവിൻെറ തുടർച്ചയായ രണ്ടാം സമനിലയാണിത്.
മത്സരത്തിൻെറ അപ്ഡേറ്റ്സ്:
മത്സരത്തിൻെറ അവസാന നിമിഷത്തിൽ പെനാൽറ്റിയിലൂടെ ഗോൾ തിരിച്ചടിച്ച് ഗോവ സമനില പിടിച്ചു. ഫെറാൻ കോറോമിനാസ് ആണ് 93ാം മിനിറ്റിൽ ഗോളടിച്ചത്.
രണ്ടാം പകുതിയിൽ നേടിയ ഗോളിലൂടെ ഗോവക്കെതിരെ ബെംഗലൂരു മുന്നിലെത്തി. 62ാം മിനിറ്റിൽ ഉദാന്ത സിങാണ് ബെംഗലൂരുവിനായി ഗോൾ നേടിയത്.
ഗോവയും ബെംഗലൂരുവും തമ്മിൽ നടക്കുന്ന ഐഎസ്എൽ മത്സരത്തിൻെറ ആദ്യപകുതി ഗോൾരഹിത സമനിലയിൽ. ഇരുടീമുകൾക്കും ഗോൾ നേടാനായില്ല.
ഇന്ത്യൻ സൂപ്പർ ലീഗിൽ ഗോവയും ബെംഗലൂരുവും തങ്ങളുടെ രണ്ടാം മത്സരത്തിന് ഇറങ്ങുന്നു. ആദ്യ മത്സരത്തിൽ ഗോവ ചെന്നൈയിനെ 3-0ന് പരാജയപ്പെടുത്തിയിരുന്നു. എന്നാൽ നോർത്ത് ഈസ്റ്റ് യുണൈറ്റഡുമായി ബെംഗലൂരു ഗോൾ രഹിത സമനിലയിൽ പിരിയുകയായിരുന്നു.