എക്സ്ട്രാ ടൈമിലെ പെനാൽറ്റിയിൽ ഗോവയെ തോൽപ്പിച്ച് മുംബൈ

ഐഎസ്എല്ലിൽ ഇരുടീമുകളും ഒരുപോലെ പൊരുതിയ മത്സരത്തിൽ ആതിഥേയരായ ഗോവയ്ക്ക് മുംബൈയോട് ഒരു ഗോൾ തോൽവി. എക്സ്ട്രാ ടൈമിൻെറ അവസാന നിമിഷത്തിൽ ലഭിച്ച പെനാൽറ്റിയിലാണ് ഗോൾ പിറന്നത്. അനാവശ്യമായി പെനാൽറ്റി വഴങ്ങിയ ഗോവയ തോൽവി ചോദിച്ച് വാങ്ങുകയായിരുന്നു. നിശ്ചിത സമയം വരെ മത്സരം ഗോൾരഹിത സമനിലയിലായിരുന്നു.

ആദം ലേ ഫോണ്ട്രെയാണ് മുംബൈക്ക് കിട്ടിയ പെനാൽറ്റി വലയിലെത്തിച്ചത്. പെനാൽറ്റി ബോക്സിൽ വെച്ച് പന്ത് കൈ കൊണ്ട് തടുത്ത ലെനെ റോഡ്രിഗസിൻെറ പിഴവാണ് പെനാൽറ്റിയിൽ കലാശിച്ചത്. നേരത്തെ മുംബൈ താരം ഹെർനൻ സൻറാനയെ ടാക്കിൾ ചെയ്യാനുള്ള ഗോവൻ താരത്തിൻെറ ശ്രമത്തിന് പെനാൽറ്റി ലഭിക്കുകയും ചെയ്തിരുന്നു. റെഡീം ത്ലാങിനാണ് ചുവപ്പ് കാർഡ് ലഭിച്ചത്. 40ാം മിനിറ്റിൽ ചുവപ്പുകാർഡ് ലഭിച്ചതോടെ പത്ത് പേരുമായാണ് ഗോവ പിന്നീട് കളിച്ചത്.

Also Read: കോലിക്ക് പകരം ടെസ്റ്റ് ടീമിലേക്ക് ഏകദിനത്തിലെ സൂപ്പർതാരം; രോഹിതും ഇശാന്തും കളിക്കില്ലെന്ന് ഉറപ്പിക്കാമോ?!

മത്സരത്തിൻെറ ആദ്യപകുതിയിലുടനീളം ഗോവയ്ക്കായിരുന്നു ആധിപത്യം. മുൻ ഗോവ മാനേജറായ സെർജിയോ ലൊബേറ ഈ സീസണിൽ മുംബൈ മാനേജരാണ്. ലൊബോറയ്ക്ക് തൻെറ പഴയ ക്ലബ്ബിനെതിരെ ആദ്യ മത്സരത്തിൽ തന്നെ വിജയം നേടാൻ സാധിച്ചു.