റേയാർ സ്പോർട്സ് ഇനി മുതല്‍ കേരള ബ്ലാസ്റ്റേഴ്സിന്‍റെ ഔദ്യോഗിക കിറ്റ് പാർട്ണർ

കൊച്ചി: കേരള ബ്ലാസ്റ്റേഴ്സ് എഫ്സിയുടെ ഔദ്യോഗിക കിറ്റ് പാർട്ണറായി റേയാർ സ്പോർട്സിനെ പ്രഖ്യാപിച്ചു. ഐ എസ് എല്ലിന്‍റെ 2019- 2020 സീസണിലേക്കാണ് റേയാർ സ്പോർട്സ് കെബിഎഫ്‌സിയുടെ കിറ്റ് പാർട്നറായി തീരുമാനിച്ചിരിക്കുന്നത്. ടീം കിറ്റുകൾ, ട്രാവൽ വെയർ റെപ്ലിക്ക, ഫാൻ ജേഴ്സികൾ, തിരഞ്ഞെടുക്കപ്പെട്ട ക്ലബ്‌ മെർക്കന്റയിസുകളായ സ്കെർവേസ്‌, ഹെഡ് വെയർ ക്യാപ്സ് , സ്ലിങ് ബാഗുകൾ, ഫ്ലാഗ്ഗുകൾ എന്നിവ ക്ലബ്ബിനായി റേയാർ സ്പോര്‍ട്സ് നൽകും.

"രാജ്യത്ത്‌ ഏറ്റവുമധികം ആരാധകരുള്ള ഫുട്ബോൾ ക്ലബ്ബായ കെബിഎഫ്‌സിയുമായി പങ്കാളിത്തത്തിൽ ഏർപ്പെടുവാൻ ഞങ്ങൾ തയ്യാറാണ്, മാത്രമല്ല ലോകമെമ്പാടുമുള്ള ആരാധകർ, കളിക്കാർ, സ്പോൺസർമാർ, എന്നിവർക്കായി ഞങ്ങളുടെ എക്സ്ക്ലൂസീവ് ഉൽപ്പന്നങ്ങൾ, പ്ലെയർ റെപ്ലിക്കകൾ, എക്സ്ക്ലൂസീവ് ഫാൻ ജേഴ്സി, മറ്റ് ഇനങ്ങൾ എന്നിവയുമായി ആവശ്യമായത് നൽകാൻ ചെയ്യാൻ പരിശ്രമിക്കും. കളിതുടങ്ങുമ്പോഴേക്കും എല്ലാവരുടെയും പിന്തുണ കൊണ്ട് ടീമിന് മികച്ച വിജയമുണ്ടാകും, റേയാർ സ്പോർട്സ് ഡയറക്ടർ ഭഗേഷ് കൊട്ടക് വ്യക്തമാക്കി.

Also Read: അവാര്‍ഡിന് പിന്നാലെ മെസിയെ ട്രോളിക്കൊന്ന് റൊണാള്‍ഡോ ആരാധകര്‍

"ഗുണമേന്മ, നിറം, രൂപകൽപ്പന എന്നിവയിലാണ് ഞങ്ങളുടെ പങ്കാളി റേയാർ സ്പോർട്സ് ശ്രദ്ധ കേന്ദ്രീകരിക്കുന്നത്. കളിക്കാർക്കും ആരാധകർക്കും തുല്യ അളവിൽ ആസ്വദിക്കാന്‍ കഴിയുന്ന ഒന്നാണ് കിറ്റ് എന്ന് ഞങ്ങൾ പ്രതീക്ഷിക്കുന്നു ”, കേരള ബ്ലാസ്റ്റേഴ്സ് എഫ്‌സി സിഇഒ വിരേൻ ഡി സിൽവ പറയുന്നു.

Also Read: മെസിയുടെ ഫിഫ അവാര്‍ഡിന് പിന്നാലെ വിവാദ ഇന്‍സ്റ്റഗ്രാം പോസ്റ്റുമായി റൊണാള്‍ഡോ

ഗാർമെന്റ്സ്, മെർക്കന്റൈസ് നിർമ്മാണ വിതരണ ലൈസൻസുള്ള കമ്പനിയായ ബേ ക്രിയേഷൻസിന്റെ അനുബന്ധ സ്ഥാപനമാണ് റേയാർ സ്പോർട്സ്. പ്രീമിയം ഗുണനിലവാരമുള്ള കോർപ്പറേറ്റ്, ഇവന്റ്, ടൂർണമെന്റ്, സ്പോർട്സ് വസ്ത്രങ്ങൾ എന്നിവയുടെ നിർമ്മാണത്തിൽ ഇവർ മികച്ച സേവനം വാഗ്ദാനം ചെയ്യുന്നു.