​ബ്ലാസ‍്‍റ്റേഴ‍്‍സിനെതിരായ മത്സരത്തിൽ റോബി കീൻ ഉണ്ടാവില്ല

കൊൽക്കത്ത: എെഎസ്എൽ ഉദ്ഘാടന മത്സരത്തിൽ കേരള ബ്ലാസ‍്‍റ്റേഴ‍്‍സിനെതിരെ അത്‍ലറ്റികോ ഡി കൊൽക്കത്ത താരം റോബി കീൻ ഉണ്ടാവില്ല. കാൽമുട്ടിനേറ്റ പരിക്ക് കാരണം അദ്ദേഹം ചികിത്സക്കായി നാട്ടിലേക്ക് മടങ്ങി. സീസണിലെ ആദ്യ മൂന്ന് മത്സരങ്ങളെങ്കിലും കൊൽക്കത്തയുടെ മിന്നും താരത്തിന് നഷ്ടമായേക്കും.

"ഇടതു കാൽമുട്ടിന് പരിക്കേറ്റത് മൂലം റോബി കീൻ ചികിത്സക്കായി നാട്ടിലേക്ക് തിരിച്ച് പോയി. ഡിസംബർ 7ന് ചെന്നൈയിൻ എഫ്.സിക്കായുള്ള മത്സരത്തിന് തിരിച്ചെത്തുമെന്നാണ് പ്രതീക്ഷിക്കുന്നത്." എെഎസ്എൽ പ്രതിനിധി പി.ടി.എെയോട് പറഞ്ഞു.

നവംബർ 17ന് കൊച്ചിയിലാണ് കേരള ബ്ലാസ‍്‍റ്റേഴ‍്‍സും അത്‍ലറ്റികോ ഡി കൊൽക്കത്തയും തമ്മിലുള്ള ഉദ്ഘാടന മത്സരം നടക്കുക.