വമ്പൻമാരുടെ പോരാട്ടത്തിൽ ബെംഗളൂരുവിനെ വീഴ്ത്തി ജംഷഡ്പുർ

ഐഎസ്എല്ലിലെ വമ്പൻമാരുടെ പോരാട്ടത്തിൽ ജംഷഡ്പുർ എഫ്സിക്ക് വിജയം. എതിരില്ലാത്ത ഒരു ഗോളിനാണ് ബെംഗളൂരു എഫ്സിയെ പരാജയപ്പെടുത്തിയത്. പ്രതിരോധ നിരതാരം സ്റ്റീഫൻ എസ്സെ 79ാം മിനിറ്റിലാണ് ജംഷഡ്പുരിൻെറ വിജയഗോൾ നേടിയത്. കിണഞ്ഞ് പരിശ്രമിച്ചിട്ടും ബെംഗളൂരുവിന് ഗോളടിക്കാനായില്ല.

ജംഷദ്പുരിനായി മലയാളി ഗോൾ കീപ്പർ ടിപി രഹനേഷ് തകർപ്പൻ പ്രകടനമാണ് പുറത്തെടുത്തത്. മത്സരത്തിലെ ഹീറോ ഓഫ് ദി മാച്ച് രഹനേഷാണ്. മത്സരത്തിൻെറ തുടക്കം മുതൽ ബെംഗളൂരുവിന് നിരവധി അവസരങ്ങൾ ലഭിച്ചിരുന്നു. എന്നാൽ ഗോൾകീപ്പറെ മറികടന്ന് ഒന്നും ലക്ഷ്യത്തിലെത്തിയില്ല.

Also Read: വികുനയുടെ അഞ്ച് മാറ്റങ്ങള്‍, സഹലിന് സംഭവിച്ചത്, ഹക്കുവിന്റെ ഇംപാക്ട്! ബ്ലാസ്റ്റേഴ്‌സ് രക്ഷപ്പെടുമോ?

തുടർച്ചയായി രണ്ടാം മത്സരത്തിലാണ് ബെംഗളൂരു തോൽക്കുന്നത്. പോയൻറ് പട്ടികയിൽ സുനിൽ ഛേത്രിയും സംഘവും നിലവിൽ നാലാം സ്ഥാനത്താണ്. ജംഷഡ്പുർ മൂന്നാം സ്ഥാനത്താണ്. 9 മത്സരങ്ങൾ കളിച്ച ജംഷഡ്പുരിൻെറ മൂന്നാം വിജയമാണിത്.