കൊച്ചി: ഐഎസ്എല്ലില് കേരള ബ്ലാസ്റ്റേഴ്സിന് വീണ്ടും സമനില. തുടര്ച്ചയായ മൂന്നാമത്തെ കളിയിലും മഞ്ഞപ്പട സമനില വഴങ്ങി. എന്നാല് ഒരു ഗോൾ അടിക്കാനായതിൽ ബ്ലാസ്റ്റേഴ്സിന് ആശ്വസിക്കാം. ഹോംഗ്രൗണ്ടില് തുടര്ച്ചയായ മൂന്നാം മല്സരത്തില് മുംബൈ സിറ്റിയുമായി ബ്ലാസ്റ്റേഴ്സ് 1-1നു സമനില വഴങ്ങി. നേരത്തേ അത്ലറ്റികോ ഡി കൊല്ക്കത്ത, ജംഷഡ്പൂര് എഫ്സി എന്നിവരുമായും ബ്ലാസ്റ്റേഴ്സ് ഗോള്രഹിത സമനില വഴങ്ങിയിരുന്നു. ഇയാന് ഹ്യൂമിനു പകരം പ്ലെയിങ് ഇലവനിലെത്തിയ ഡച്ച് സ്ട്രൈക്കര് മാര്ക്ക് സിഫെനോസാണ് 14ാം മിനിറ്റില് ബ്ലാസ്റ്റേഴ്സ് കാത്തിരുന്ന ഗോള് നേടിയത്. രണ്ടാംപകുതിയില് കളിയിലേക്ക് ശക്തമായി തിരിച്ചുവന്ന മുംബൈ 77-ാം മിനിറ്റില് ബല്വന്ത് സിങിന്റെ ഗോളില് സമനിലയിലേക്കെത്തി. ബ്ലാസ്റ്റേഴ്സ് ഇപ്പോൾ ഏഴാം സ്ഥാനത്താണുള്ളത്. 88ാം മിനിറ്റില് ബ്ലാസ്റ്റേഴ്സ് താരം വിനീതിനെ രണ്ടാം മഞ്ഞ കാർഡും ശേഷം ചുവപ്പുകാർഡും കാണിച്ച് റഫറി പുറത്താക്കി
ബ്ലാസ്റ്റേഴ്സിന് വീണ്ടും സമനില; ആശ്വസമായി ഒരു ഗോൾ
ഹോംഗ്രൗണ്ടില് തുടര്ച്ചയായ മൂന്നാം മല്സരത്തില് മുംബൈ സിറ്റിയുമായി ബ്ലാസ്റ്റേഴ്സ് 1-1നു സമനില വഴങ്ങി
Samayam Malayalam 3 Dec 2017, 10:45 pm