ഇഞ്ചുറി ടൈമിലെ അഞ്ചാം മിനുട്ടില് മലയാളി താരം രാഹുല് കെപിയുടെ ഗോള്! ബെംഗളുരു എഫ് സിക്കെതിരെ കേരള ബ്ലാസ്റ്റേഴ്സിന് അവിസ്മരണീയ ജയം. ഒരു ഗോളിന് പിറകില് നിന്ന ശേഷമാണ് ബ്ലാസ്റ്റേഴ്സിന്റെ ഗ്രേറ്റ് കംബാക്ക്. ഇരുപത്തിനാലാം മിനുട്ടില് ക്ലെയ്റ്റന് സില്വ ബെംഗളുരുവിന് ലീഡ് നേടി. എഴുപത്തിമൂന്നാം മിനുട്ടില് ലാല്താതാംഗയാണ് ബ്ലാസ്റ്റേഴ്സിനെ മത്സരത്തിലേക്ക് തിരികെ കൊണ്ടു വന്ന സമനില ഗോളടിച്ചത്. വിജയത്തിനായി ദാഹിച്ചു കളിച്ച മഞ്ഞപ്പട കൗണ്ടര് അറ്റാക്കിംഗിലൂടെ ബെംഗളുരു ഗോള് മുഖം വിറപ്പിച്ചാണ് വിജയഗോളടിച്ചത്. വിംഗിലൂടെ കുതിച്ച രാഹുല് തന്റെ വഴിയില് തടസമായി നിന്ന അമെയ് മൊറാജ്കറിനെ കബളിപ്പിച്ചാണ് ഗോളി ഗുര്പ്രീതിനെ കാഴ്ചക്കാരനാക്കിയത്. ഈ വിജയം ബ്ലാസ്റ്റേഴ്സിനെ ഒമ്പതാം സ്ഥാനത്തേക്ക് ഉയര്ത്തി. 12 മത്സരങ്ങളില് നിന്ന് 13 പോയിന്റാണിപ്പോള്. ഏഴാം സ്ഥാനത്തുള്ള ബെംഗളുരുവിനും പതിമൂന്ന് പോയിന്റാണ്. നാലാം സ്ഥാനത്തുള്ള ഹൈദരാബാദിന് 12 മത്സരങ്ങളില് നിന്ന് 17 പോയിന്റ്. ഈ വിജയത്തോടെ, പ്ലേ ഓഫ് പ്രതീക്ഷ സജീവമാക്കാന് ബ്ലാസ്റ്റേഴ്സിന് സാധിച്ചു.
മൂന്ന് മാറ്റങ്ങളുമായി ബ്ലാസ്റ്റേഴ്സ്
ഈസ്റ്റ് ബംഗാളിനെതിരെ കളിച്ച ടീമില് മൂന്ന് മാറ്റങ്ങള് വരുത്തിയാണ് ബ്ലാസ്റ്റേഴ്സ് കോച്ച് കിബു വികുന തന്ത്രം മെനഞ്ഞത്. ജെസെല് കര്നെയ്റോ, നിഷു കുമാര്, ഫാകുന്ഡോ പെരേര എന്നിവരെ ആദ്യ ലൈനപ്പില് നിന്ന് ഒഴിവാക്കി. യുവാന്ഡെ, ദെനെചന്ദ്ര മീതെ, രാഹുല് കെ പി എന്നിവര് സ്റ്റാര്ട്ട് ചെയ്തു. ജെസെലിനും ഫാകുന്ഡോക്കും പരിക്കാണ്. 3-5-2 ഫോര്മേഷനിലാണ് ബ്ലാസ്റ്റേഴ്സ് വിന്യസിച്ചത്. സന്ദീപ്, കോസ്റ്റ, മീതെ എന്നിവരാണ് ഡിഫന്സില്. യുവാന്ഡെ, വിസെന്റ് ഗോമസ്, ജീക്സന് സിംഗ് സെന്ട്രല് മിഡ്ഫീല്ഡില്. രാഹുലും സഹലും വിംഗില് പ്ലേമേക്കര് റോളില്. ഗാരി ഹൂപ്പറും ജോര്ദാന് മുറെയും സ്ട്രൈക്കിംഗ് പാര്ട്ണര്മാര്.
4-3-3 ശൈലിയില് ബെംഗളുരു
നോര്ത്ത് ഈസ്റ്റിനോട് കളിച്ച ടീമില് നാല് മാറ്റങ്ങളുമായിട്ടാണ് ബെംഗളുരു കളത്തിലിറങ്ങിയത്. പ്രതീക് ചൗദരി, ഹര്മന്ജോത് ഖാബ്ര, ദിമാസ് ഡെല്ഗാഡോ, ക്രിസ്റ്റിയന് ഒപ്സെത് എന്നിവര് പുറത്തായി. ഫ്രാന് ഗോണ്സാലെസ്, സുരേഷ് വാംഗ്യാം, അമെയ് മൊറാജ്കര്, ഉദാന്ത സിംഗ് എന്നിവര് ആദ്യ ലൈനപ്പില് ഇടം പിടിച്ചു. 4-3-3 ഫോര്മേഷനിലാണ് ബെംഗളുരു കളിച്ചത്.
സ്റ്റാര്ട്ടിംഗ് ലൈനപ്പ് ഇങ്ങനെ
കേരള ബ്ലാസ്റ്റേഴ്സ് സ്റ്റാര്ട്ടിംഗ് ഇലവന്: അല്ബിനോ ഗോമസ് (ഗോള് കീപ്പര്), സന്ദീപ് സിംഗ്, കോസ്റ്റ ഹമോയിനെസു, യുവാന്ഡെ, ദെനെചന്ദ്ര മീതെയ്, വിസെന്റെ ഗോമസ്, ജീക്സന് സിംഗ്, സഹല് അബ്ദുല് സമദ്, രാഹുല് കെപി, ഗാരി ഹൂപ്പര്, ജോര്ദാന് മുറെ.
ബെംഗളുരു എഫ് സി സ്റ്റാര്ട്ടിംഗ് ഇലവന്: ഗുര്പ്രീത് സിംഗ് സന്ധു (ഗോള് കീപ്പര്), ഫ്രാന് ഗോണ്സാലസ്, യുവാനന്, പരാഗ് ശ്രീവാസ്, രാഹുല് ബെക്കെ, സുരേഷ് വാംഗ്യാം, അമെയ് മൊറാജ്കര്, ക്ലെയ്റ്റണ് സില്വ, ഉദാന്ത സിംഗ്, എറിക് പാര്താലു, സുനില് ചേത്രി.
മൂന്ന് മാറ്റങ്ങളുമായി ബ്ലാസ്റ്റേഴ്സ്
ഈസ്റ്റ് ബംഗാളിനെതിരെ കളിച്ച ടീമില് മൂന്ന് മാറ്റങ്ങള് വരുത്തിയാണ് ബ്ലാസ്റ്റേഴ്സ് കോച്ച് കിബു വികുന തന്ത്രം മെനഞ്ഞത്. ജെസെല് കര്നെയ്റോ, നിഷു കുമാര്, ഫാകുന്ഡോ പെരേര എന്നിവരെ ആദ്യ ലൈനപ്പില് നിന്ന് ഒഴിവാക്കി. യുവാന്ഡെ, ദെനെചന്ദ്ര മീതെ, രാഹുല് കെ പി എന്നിവര് സ്റ്റാര്ട്ട് ചെയ്തു. ജെസെലിനും ഫാകുന്ഡോക്കും പരിക്കാണ്. 3-5-2 ഫോര്മേഷനിലാണ് ബ്ലാസ്റ്റേഴ്സ് വിന്യസിച്ചത്. സന്ദീപ്, കോസ്റ്റ, മീതെ എന്നിവരാണ് ഡിഫന്സില്. യുവാന്ഡെ, വിസെന്റ് ഗോമസ്, ജീക്സന് സിംഗ് സെന്ട്രല് മിഡ്ഫീല്ഡില്. രാഹുലും സഹലും വിംഗില് പ്ലേമേക്കര് റോളില്. ഗാരി ഹൂപ്പറും ജോര്ദാന് മുറെയും സ്ട്രൈക്കിംഗ് പാര്ട്ണര്മാര്.
4-3-3 ശൈലിയില് ബെംഗളുരു
നോര്ത്ത് ഈസ്റ്റിനോട് കളിച്ച ടീമില് നാല് മാറ്റങ്ങളുമായിട്ടാണ് ബെംഗളുരു കളത്തിലിറങ്ങിയത്. പ്രതീക് ചൗദരി, ഹര്മന്ജോത് ഖാബ്ര, ദിമാസ് ഡെല്ഗാഡോ, ക്രിസ്റ്റിയന് ഒപ്സെത് എന്നിവര് പുറത്തായി. ഫ്രാന് ഗോണ്സാലെസ്, സുരേഷ് വാംഗ്യാം, അമെയ് മൊറാജ്കര്, ഉദാന്ത സിംഗ് എന്നിവര് ആദ്യ ലൈനപ്പില് ഇടം പിടിച്ചു. 4-3-3 ഫോര്മേഷനിലാണ് ബെംഗളുരു കളിച്ചത്.
സ്റ്റാര്ട്ടിംഗ് ലൈനപ്പ് ഇങ്ങനെ
കേരള ബ്ലാസ്റ്റേഴ്സ് സ്റ്റാര്ട്ടിംഗ് ഇലവന്: അല്ബിനോ ഗോമസ് (ഗോള് കീപ്പര്), സന്ദീപ് സിംഗ്, കോസ്റ്റ ഹമോയിനെസു, യുവാന്ഡെ, ദെനെചന്ദ്ര മീതെയ്, വിസെന്റെ ഗോമസ്, ജീക്സന് സിംഗ്, സഹല് അബ്ദുല് സമദ്, രാഹുല് കെപി, ഗാരി ഹൂപ്പര്, ജോര്ദാന് മുറെ.
ബെംഗളുരു എഫ് സി സ്റ്റാര്ട്ടിംഗ് ഇലവന്: ഗുര്പ്രീത് സിംഗ് സന്ധു (ഗോള് കീപ്പര്), ഫ്രാന് ഗോണ്സാലസ്, യുവാനന്, പരാഗ് ശ്രീവാസ്, രാഹുല് ബെക്കെ, സുരേഷ് വാംഗ്യാം, അമെയ് മൊറാജ്കര്, ക്ലെയ്റ്റണ് സില്വ, ഉദാന്ത സിംഗ്, എറിക് പാര്താലു, സുനില് ചേത്രി.