ഐഎസ്എല്ലില്‍ ബ്ലാസ്റ്റേഴ്സ് നാളെ ജംഷഡ്പൂരിനെ നേരിടും

കൊച്ചി: ഇന്ത്യന്‍ സൂപ്പര്‍ ലീഗില്‍ കേരള ബ്ലാസ്റ്റേഴ്സ് നാളെ ജംഷഡ്പൂര്‍ എഫ്സിയെ നേരിടും. ബ്ലാസ്റ്റേഴ്സിന്‍റെ സ്വന്തം തട്ടകമായ കൊച്ചി ജവഹര്‍ലാല്‍ നെഹ്റു അന്താരാഷ്ട സ്റ്റേഡിയത്തില്‍ വെച്ചാണ് മത്സരം നടക്കുക. വൈകീട്ട് 7.30ന് മത്സരം ആരംഭിക്കും.

സമനിലയില്‍ കുരുങ്ങി നില്‍ക്കുന്ന കേരള ബ്ലാസ്റ്റേഴ്സിന് മുന്നോട്ട് പോകണമെങ്കില്‍ വിജയം അനിവാര്യമാണ്. അതേസമയം ആദ്യനാലിലെത്താന്‍ ജംഷഡ്പൂരിനും ജയിച്ചേ തീരൂ. നിലവില്‍ എട്ട് പോയിന്‍റുമായി ബ്ലാസ്റ്റേഴ്സ് ഏഴാം സ്ഥാനത്തും 15 പോയിന്‍റുമായി ജംഷഡ്പൂര്‍ അഞ്ചാം സ്ഥാനത്തുമാണുള്ളത്.