ബ്ലാസ്റ്റേഴ്സിൽ ഇന്ന് നിർണായക മാറ്റങ്ങളുണ്ടാകും? സാധ്യത സ്റ്റാർട്ടിംഗ് ഇലവൻ ഇങ്ങനെ...

ഒൻപതാം സീസൺ ഇന്ത്യൻ സൂപ്പർ ലീഗിലെ തങ്ങളുടെ ഏഴാം മത്സരത്തിൽ ഇന്ന് ശക്തരായ ഹൈദരാബാദ് എഫ് സിയെ നേരിടാൻ ഒരുങ്ങുകയാണ് കേരള ബ്ലാസ്റ്റേഴ്സ്‌. അവസാന രണ്ട് മത്സരങ്ങളിലും വിജയം നേടിയതിന്റെ ആത്മവിശ്വാസം നിലവിൽ ബ്ലാസ്റ്റേഴ്സിനുണ്ട്. പ്രത്യേകിച്ചും കഴിഞ്ഞ കളിയിൽ എഫ് സി ഗോവയെ 3-1 ന് തകർത്തത് ടീമിന്റെ നഷ്ടപ്പെട്ട ആത്മവിശ്വാസം തിരികെക്കൊണ്ടു വന്നു.

ഗോവക്കെതിരെ ഒന്നിനെതിരെ മൂന്ന്‌ ഗോളുകൾക്കായിരുന്നു ബ്ലാസ്റ്റേഴ്സിന്റെ വിജയം. ആരാധകർ ആഗ്രഹിച്ച രീതിയിലുള്ള കളിയും ടീം ലൈനപ്പുമായിരുന്നു ഈ മത്സരത്തിൽ ബ്ലാസ്റ്റേഴ്സിന്റേത്. ഇന്ന് ഹൈദരാബാദിനെതിരെ കളിക്കാനിറങ്ങുമ്പോൾ കഴിഞ്ഞ മത്സരത്തിലെ വിജയ നിരയെ അതേപടി നിലനിർത്താൻ ബ്ലാസ്റ്റേഴ്സ് പരിശീലകൻ ഇവാൻ വുകോമനോവിച്ച് തയ്യാറാകുമോ അതോ ചില പൊസിഷനുകളിലെങ്കിലും അദ്ദേഹം മാറ്റം വരുത്തുമോ എന്നത് കണ്ടറിയണം.

Also Read : ആക്രമണ - പ്രതിരോധ കോമ്പിനേഷന്‍ ശരിയാകാനുണ്ടെന്ന് സമ്മതിച്ച് ബ്ലാസ്റ്റേഴ്‌സ് പരിശീലകന്‍ വുകോമനോവിച്ച്

കഴിഞ്ഞ സീസണിലെ ഗോൾഡൻ ഗ്ലൗ ജേതാവായ പ്രഭ്സുഖൻ ഗില്ലാണ് ഇക്കുറിയും ബ്ലാസ്റ്റേഴ്സിന്റെ ഒന്നാം നമ്പർ ഗോൾകീപ്പർ. സീസണിലെ ആദ്യ മത്സരങ്ങളിൽ കുറച്ച് പിഴവുകൾ വരുത്തിയെങ്കിലും കഴിഞ്ഞ കളിയിൽ താരം ഫോമിലേക്ക് തിരിച്ചെത്തിയിരുന്നു. ഇന്നത്തെ മത്സരത്തിലും ഗിൽ തന്നെയാകും ബ്ലാസ്റ്റേഴ്സ് വല കാക്കുക. റൂയിവ ഹോർമിപാം, മാർക്കോ ലെസ്കോവിച്ച് സഖ്യമാകും സെന്റർബാക്കിൽ അണിനിരക്കുക. ഫുൾ ബാക്ക് പൊസിഷനിൽ ഇന്ന് ചെറിയ മാറ്റം വരാൻ സാധ്യതയുണ്ട്. സന്ദീപ് സിംഗ്, നിഷു കുമാർ എന്നിവരായിരുന്നു കഴിഞ്ഞ കളിയിൽ ഈ പൊസിഷനുകളിൽ കളിച്ചത്. ഇന്ന് കരുത്തരായ ഹൈദരാബാദിനെതിരെ പരിചയസമ്പത്തിന് മുൻ തൂക്കം കൊടുക്കാൻ ഇവാൻ തീരുമാനിക്കുകയാണെങ്കിൽ ഹർമൻ ജോത് ഖബ്ര സ്റ്റാർട്ടിംഗ് ഇലവനിൽ ഇടം പിടിച്ചേക്കും.

സെൻട്രൽ ഡിഫൻസിൽ ജീക്സൺ സിംഗും, ഇവാൻ കലിയൂഷ്നിയുമാകും കളിക്കുക. കഴിഞ്ഞ മത്സരത്തിലും ഇവരായിരുന്നു ഈ പൊസിഷനിൽ കളിച്ചത്. മലയാളി സൂപ്പർ താരങ്ങളായ സഹൽ അബ്ദുൾ സമദ്, രാഹുൽ കെപി എന്നിവരും മികച്ച ഫോമിലാണ്‌. ഇതിൽത്തന്നെ രാഹുലിന്റെ പ്രകടനം ആരാധകരെ ശരിക്കും ത്രില്ലടിപ്പിക്കുന്നുണ്ട്. കഴിഞ്ഞ കളിയിൽ സ്റ്റാർട്ടിംഗ് ഇലവനിൽ ഈ 2 പേരുമുണ്ടായിരുന്നു. ഗ്രീക്ക് മുന്നേറ്റ താരം ദിമിത്രിയോസ് ഡയമാന്റകോസ് തന്നെയാകും ഇന്നും ടീമിന്റെ പ്രധാന പ്രധാന സട്രൈക്കർ. കഴിഞ്ഞ 2 കളികളിലും ഗോളടിച്ച ദിമിയിൽ നിന്ന് മറ്റൊരു മികച്ച പ്രകടനമാണ് ബ്ലാസ്റ്റേഴ്സ് പ്രതീക്ഷിക്കുന്നത്. സെക്കൻഡ് സ്ട്രൈക്കറായി ഉറുഗ്വെൻ താരം അഡ്രിയാൻ ലൂണ തന്നെ കളിച്ചേക്കും.

ബ്ലാസ്റ്റേഴ്സ് സെറ്റ് ആയോ, ഇവാൻ വുകോമനോവിച്ചിന് പറയാനുള്ളത് ഇങ്ങനെ...
കേരള ബ്ലാസ്റ്റേഴ്സ് സാധ്യത ഇലവൻ: പ്രഭ്സുഖൻ ഗിൽ (ഗോൾകീപ്പർ, ഹർമൻജോത് ഖബ്ര/സന്ദീപ് സിംഗ്, റൂയിവ ഹോർമിപാം, മാർകോ ലെസ്കോവിച്ച്, നിഷു കുമാർ, ജീക്സൺ സിംഗ്, ഇവാൻ കലിയൂഷ്നി, രാഹുൽ കെപി, സഹൽ അബ്ദുൾസമദ്, അഡ്രിയൻ ലൂണ, ദിമിത്രിയോസ് ഡയമാന്റകോസ്.

Read Latest Sports News and Malayalam Newsundefined