ഒക്ടോബര്‍ 16 ന് കൊച്ചി ജവഹര്‍ലാല്‍ നെഹ്‌റു സ്‌റ്റേഡിയത്തില്‍ വെച്ചാണ് കേരള ബ്ലാസ്റ്റേഴ്സ് എഫ് സി യുടെ രണ്ടാം മത്സരം. കൊല്‍ക്കത്തന്‍ വമ്പന്മാരായ എ ടി കെ മോഹന്‍ ബഗാന് എഫ് സി ആണ് കേരള ബ്ലാസ്റ്റേഴ്സ് എഫ് സി യുടെ രണ്ടാം എതിരാളി. എ ടി കെ മോഹന്‍ ബഗാന് എഫ് സി ( A T K Mohun Bagan F C ) ക്ക് എതിരേ യുക്രൈൻ താരം ഇവാന്‍ കലിയൂഷ്‌നി ആദ്യ ഇലവനില്‍ എത്തിയേക്കും എന്നാണ് റിപ്പോര്‍ട്ട്.
കലിയൂഷ്‌നി വരുമ്പോള്‍ പ്ലേയിംഗ് ഇലവനിലെ മാറ്റം
ഈസ്റ്റ് ബംഗാള്‍ ക്ലബ്ബിന് എതിരായ സീസണിലെ ഉദ്ഘാടന മത്സരത്തില്‍ ഇവാന്‍ കലിയൂഷ്‌നി പ്ലേയിംഗ് ഇലവനില്‍ എത്തും എന്ന് ആരാധകര്‍ ഉറച്ച് വിശ്വസിച്ചു. എന്നാല്‍, മുഖ്യ പരിശീലകനായ സെര്‍ബിയക്കാരന്‍ ഇവാന്‍ വുകോമനോവിച്ചിന്റെ ( Ivan Vukomanovic ) തന്ത്രം മറ്റൊന്നായിരുന്നു. ഇവാന്‍ കലിയൂഷ്നിയെ ഇവാന്‍ വുകോമനോവിച്ച് പകരക്കാരുടെ ബെഞ്ചില്‍ ആയിരുന്നു ഇരുത്തിയത്.
എന്നാല്‍, എ ടി കെ മോഹന്‍ ബഗാന് എതിരേ ഇവാന്‍ കലിയൂഷ്നിയെ പകരക്കാരുടെ ബെഞ്ചില്‍ ഇരുത്താന്‍ ഇവാന്‍ വുകോമനോവിച്ച് ധൈര്യം കാണിച്ചേക്കില്ല. കാരണം, എ ടി കെ മോഹന്‍ ബഗാന് ആക്രമിച്ചു കളിക്കുന്ന ടീമാണ്. അതുകൊണ്ടു തന്നെ ആദ്യ മിനിറ്റുകളില്‍ ഗോള്‍ അടിച്ച് മത്സരത്തിന്റെ നിയന്ത്രണം ഏറ്റെടുക്കാനുള്ള പോരാട്ടം ആയിരിക്കും കളത്തില്‍ അരങ്ങേറുക. ഇവാന്‍ കലിയൂഷ്‌നി പ്ലേയിംഗ് ഇലവനില്‍ എത്തുമ്പോള്‍ അപ്പൊസ്‌തൊലസ് ജിയാനു, ദിമിത്രിയോസ് ഡയമാന്റകോസ് എന്നീ സ്‌ട്രൈക്കര്‍മാരില്‍ ഒരാള്‍ മാത്രമേ കളത്തില്‍ ഉണ്ടാകൂ.
Also Read : ആ കുറവ് ഇത്തവണ ബ്ലാസ്റ്റേഴ്സ് നികത്തി, തുറന്ന് പറഞ്ഞ് പരിശീലകൻ ഇവാൻ വുകോമനോവിച്ച്
കലിയൂഷ്‌നിയുടെ ഇംപാക്റ്റ്
ഒറ്റയ്ക്ക് കളി ഗതി നിര്‍ണയിക്കുന്ന കളിക്കാരനാണ് ഇവാന്‍ കലിയൂഷ്‌നി എന്ന് ഇന്ത്യന്‍ സൂപ്പര്‍ ലീഗ് തുടങ്ങുന്നതിനു മുമ്പ് തന്നെ ഇവാന്‍ വുകോമനോവിച്ച് പറഞ്ഞിരുന്നു. അത് അക്ഷരംപ്രതി ശരിവെയ്ക്കുന്നതായിരുന്നു ഈസ്റ്റ് ബംഗാള്‍ ക്ലബ്ബിന് എതിരായ ഇവാന്‍ കലിയൂഷ്‌നിയുടെ പ്രകടനം. 80 -ാം മിനിറ്റില്‍ അപ്പൊസ്‌തൊലസ് ജിയാനുവിന്റെ പകരക്കാരനായ കലിയൂഷ്‌നി കളത്തില്‍ എത്തി. കളത്തില്‍ എത്തിയ രണ്ടാം മിനിറ്റില്‍ തന്നെ ഒറ്റയാന്‍ പോരാട്ടത്തിലൂടെ ഇവാന്‍ കലിയൂഷ്‌നി ഗോള്‍ നേടുകയും ചെയ്തു. കേരള ബ്ലാസ്റ്റേഴ്സ് എഫ് സിക്ക് 2 - 0 ന്റെ ലീഡ് നല്‍കിയ ഗോളായിരുന്നു അത്. മത്സരം പൂര്‍ണമായി കേരള ബ്ലാസ്റ്റേഴ്സ് എഫ് സിയുടെ വരുതിയിലാക്കി ഗോളായിരുന്നു അതെന്നും ശ്രദ്ധേയം.
Also Read : ഇത്രയും വലിയ ആരാധകര്‍ക്ക് മുന്നില്‍ കളിക്കുന്നത് ആദ്യം; മനസ് തുറന്ന് ഇവാന്‍ കലിയൂഷ്‌നി
കലിയൂഷ്‌നിയുടെ പ്ലേയിംഗ് സ്റ്റൈല്‍
ഗോള്‍ അടിക്കുക എന്നതായിരുന്നു ഈസ്റ്റ് ബംഗാള്‍ ക്ലബ്ബിന് എതിരായ മത്സരത്തില്‍ ഇവാന്‍ കലിയൂഷ്‌നിയുടെ ശൈലി. കാരണം, സ്‌ട്രൈക്കറായ അപ്പൊസ്‌തൊലസ് ജിയാനുവിനെ പിന്‍വലിച്ചാണ് ഇവാന്‍ വുകോമനോവിച്ച് ഇവാന്‍ കലിയൂഷ്നിയെ കളത്തില്‍ ഇറക്കിയത്. അതുകൊണ്ടു തന്നെ അതില്‍ മാത്രമായിരുന്നു ഇവാന്‍ കലിയൂഷ്‌നി ശ്രദ്ധിച്ചത്. അതിന്റെ ഏറ്റവും വലിയ ഉദാഹരണമായിരുന്നു മധ്യവരയില്‍ നിന്ന് ലഭിച്ച പന്തുമായി ഒറ്റയ്ക്ക് മുന്നേറി നേടിയ 82 -ാം മിനിറ്റിലെ ഗോള്‍. ബോക്‌സിനു പുറത്തു നിന്ന് ബുള്ളറ്റ് ഷോട്ട് തൊടുക്കാനുള്ള തന്റെ ഷാര്‍പ്പ് ഷൂട്ടിംഗ് ശൈലിയും ആദ്യ മത്സരത്തില്‍ തന്നെ ഇവാന്‍ കലിയൂഷ്‌നി വെളിപ്പെടുത്തി. കേരള ബ്ലാസ്റ്റേഴ്‌സിന്റെ രണ്ടാം ഗോള്‍ ബോക്‌സിനു പുറത്തു നിന്ന് തൊടുത്ത ബുള്ളറ്റ് റേഞ്ചിലൂടെ ആയിരുന്നു ഇവാന്‍ കലിയൂഷ്‌നി നേടിയത്.
Read Latest Sports News and Malayalam News