നോട്ടമിട്ടിരുന്നത് ഈ താരത്തെ
സ്പാനിഷ് യുവ സെന്റര് ഫോര്വേഡ് ആയ സെര്ജിയൊ മൊറേനൊയെ 2022 - 2023 സീസണിലേക്ക് സ്വന്തമാക്കാനുള്ള നീക്കമായിരുന്നു കേരള ബ്ലാസ്റ്റേഴ്സ് എഫ് സി നടത്തിയത്. സെര്ജിയൊ മൊറേനൊ കേരള ബ്ലാസ്റ്റേഴ്സ് എഫ് സി യിലേക്ക് എത്താന് 95 ശതമാനം സാധ്യതയായിരുന്നു ട്രാന്സ്ഫര് ലോകത്ത് കല്പ്പിക്കപ്പെട്ടത്. എന്നാല്, ഫിഫ വിലക്ക് എത്തിയതോടെ സെര്ജിയൊ മൊറേനൊയെ സ്വന്തമാക്കാനുള്ള നീക്കങ്ങള് കേരള ബ്ലാസ്റ്റേഴ്സ് എഫ് സി മരവിപ്പിച്ചു. നിലവില് സെര്ജിയൊ മൊറേനൊ കേരള ബ്ലാസ്റ്റേഴ്സ് എഫ് സി യില് എത്താന് 45 ശതമാനം സാധ്യത മാത്രമാണ് ട്രാന്സ്ഫര് മാര്ക്കറ്റില് ഉള്ളത്.
ഓഫർ നൽകിയെങ്കിലും ഫലം കണ്ടില്ല
സ്പാനിഷ് ലാ ലിഗ ക്ലബ്ബായ റയൊ വയ്യക്കാനൊയുടെ ലോണ് താരമാണ് സെര്ജിയൊ മൊറേനൊ. 2022 - 2023 സീസണില് റയൊ വയ്യക്കാനൊയില് സെര്ജിയൊ മൊറേനൊ കളിക്കാന് സാധ്യത ഇല്ലെന്നാണ് റിപ്പോര്ട്ട്. റയൊ വയ്യക്കാനൊയ്ക്ക് കേരള ബ്ലാസ്റ്റേഴ്സ് എഫ് സി യില് നിന്ന് ഓഫര് എത്തിയിരുന്നതായും പിന്നീട് അതില് പുരോഗമനം കണ്ടില്ലെന്നും അതുകൊണ്ട് ഇന്ത്യയിലേക്ക് ഇത്തവണ എത്താന് സാധ്യത ഇല്ലെന്നുമാണ് റിപ്പോര്ട്ട്. ഓഗസ്റ്റ് 31 വരെ ആണ് 2022 -2023 പ്രീ സീസണ് ട്രാന്സ്ഫര് വിന്ഡൊ ഉള്ളത്. പിന്നീട് കരാര് ഇല്ലാത്ത ഫ്രീ ആയുള്ള കളിക്കാരെ മാത്രമേ ക്ലബ്ബുകള്ക്ക് സ്വന്തമാക്കാന് സാധിക്കൂ.
മികച്ച യുവ താരം
23 കാരനായ ഈ സെന്റര് ഫോര്വേഡ് റയൊ വയ്യക്കാനൊയുടെ യൂത്ത് സിസ്റ്റത്തിലൂടെയാണ് ഫുട്ബോള് ലോകത്തേക്ക് ചുവടു വെച്ചത്. അത് ലറ്റിക്കോ മാഡ്രിഡ് യൂത്ത് ടീമിനായും വലെന്സിയ ബി ടീമിനായും കളിച്ചിട്ടുണ്ട്. ക്ലബ് ഫുട്ബോളില് 111 മത്സരങ്ങളില് നിന്ന് 19 ഗോള് സ്വന്തമാക്കിയിട്ടുണ്ട്. 2022 ജനുവരി മുതല് എസ് ഡി അമൊറെബിറ്റയ്ക്കായി ലോണ് വ്യവസ്ഥയില് കളിക്കുകയാണ് സെര്ജിയൊ മൊറേനൊ.
Also Read : ഈ സീസണിൽ കേരള ബ്ലാസ്റ്റേഴ്സിന്റെ ആദ്യ ഇലവൻ എങ്ങനെയായിരിക്കും? സാധ്യത ടീമിനെ പരിശോധിക്കാം...
മൊറെനോക്കായി ബ്ലാസ്റ്റേഴ്സ് ഓഫർ നൽകിയെന്നും താരം ഇക്കുറി മഞ്ഞപ്പടയിലെത്തിയേക്കുമെന്നും ഈ മാസമാദ്യം മുതൽ റിപ്പോർട്ടുകൾ ശക്തമായിരുന്നു
ഒരു വിദേശ താരം കുറവ്
2021 - 2022 സീസണില് അര്ജന്റീനക്കാരനായ ജോര്ജ് പെരേര ഡിയസും സ്പെയിന്കാരനായ ആല്വാരൊ വാസ്ക്വെസും ആയിരുന്നു കേരള ബ്ലാസ്റ്റേഴ്സ് എഫ് സി യുടെ സ്ട്രൈക്കര്മാര്. 2022 - 2023 സീസണിലേക്ക് ഓസ്ട്രേലിയന് സ്ട്രൈക്കര് ആയ അപ്പോസ്തോലസ് ജിയാനു മാത്രമാണ് വിദേശ സാന്നിധ്യമായി കേരള ബ്ലാസ്റ്റേഴ്സ് എഫ് സി യില് ഉള്ളത്. ആറ് വിദേശ താരങ്ങളെ ഒരു സീസണിലേക്ക് സ്വന്തമാക്കാം എന്നിരിക്കേ അഞ്ച് പേരാണ് ഇപ്പോള് കേരള ബ്ലാസ്റ്റേഴ്സ് എഫ് സി യില് ഉള്ളതെന്നതും ശ്രദ്ധേയം.
കഴിഞ്ഞ സീസണില് ഉണ്ടായിരുന്നതില് ക്രൊയേഷ്യന് സെന്റര് ഡിഫെന്ഡര് മാര്ക്കോ ലെസ്കോവിച്ച്, ഉറുഗ്വെന് പ്ലേ മേക്കര് അഡ്രിയാന് ലൂണ എന്നിവരെ നിലനിര്ത്തി. അപ്പോസ്തോലസ് ജിയാനു, സ്പാനിഷ് സെന്റര് ഡിഫെന്ഡറായ വിക്ടര് മോംഗില്, യുക്രെയ്ന് സെന്റര് മിഡ്ഫീല്ഡര് ആയ ഇവാന് കലിയൂഷ്നി എന്നിവരെ പുതുതായി സ്വന്തമാക്കുകയും ചെയ്തു.