മലയാളി ഫുട്ബോൾ താരം സഹൽ അബ്ദുൾ സമദ് വിവാഹിതനാകുന്നു. ബാഡ്മിന്റൺ താരം റെസ ഫർഹത്താണ് വധു. കഴിഞ്ഞ ദിവസമായിരുന്നു (03/07/2022) ഇരുവരുടേയും വിവാഹ നിശ്ചയം. സമൂഹ മാധ്യമങ്ങളിലൂടെ സഹൽ തന്നെയാണ് ഇക്കാര്യം ഔദ്യോഗികമായി പുറത്തു വിട്ടത്. "ജീവിതപങ്കാളിയെ കണ്ടെത്തിക്കഴിഞ്ഞു. കാര്യങ്ങൾ ഔദ്യോഗികമാക്കുകയും ചെയ്തു." റെസക്കൊപ്പമുള്ള ചിത്രം പങ്കു വെച്ചു കൊണ്ട് സഹൽ ഇൻസ്റ്റഗ്രമിൽ കുറിച്ചു. അതേ സമയം താരത്തിന്റെ വിവാഹ വിവരം അദ്ദേഹത്തിന്റെ ക്ലബ്ബായ കേരള ബ്ലാസ്റ്റേഴ്സും സമൂഹ മാധ്യമങ്ങളിലൂടെ ആരാധകരെ അറിയിച്ചിട്ടുണ്ട്. പുതിയ യാത്ര ആരംഭിക്കുന്ന സഹലിനും വധുവിനും ക്ലബ്ബ് ആശംസകളും നേർന്നു. സഹലിന്റെയും ബ്ലാസ്റ്റേഴ്സിന്റേയും പോസ്റ്റുകൾക്ക് താഴെ താരത്തിന് ആശംസകൾ അറിയിക്കാൻ ആരാധകരുടെ തിരക്കാണ്.
കേരള ബ്ലാസ്റ്റേഴ്സിന്റെ എക്കാലത്തെയും മികച്ച താരങ്ങളിലൊരാളാണ് ഇരുപത്തിയഞ്ചുകാരനായ സഹൽ. 2017 ൽ ക്ലബ്ബിലെത്തിയ താരം ഇതു വരെ 74 മത്സരങ്ങളിലാണ് ബ്ലാസ്റ്റേഴ്സ് ജേഴ്സിയണിഞ്ഞത്. ഇത്രയും മത്സരങ്ങളിൽ നിന്ന് 7 ഗോളുകൾ നേടിയ സഹൽ അത്ര തന്നെ ഗോളുകൾക്ക് വഴിയുമൊരുക്കി. ഐ എസ് എല്ലിൽ കാഴ്ച വെച്ച മികച്ച പ്രകടനം താരത്തെ ഇന്ത്യൻ ദേശീയ ടീമിലുമെത്തിച്ചു. 2019 ൽ ഇന്ത്യക്കായി അരങ്ങേറ്റം കുറിച്ച ഈ മലയാളി താരം 17 മത്സരങ്ങളിൽ നിന്ന് രണ്ട് ഗോളുകളും ദേശീയ ടീമിനായി നേടിയിട്ടുണ്ട്.
Also Read : കേരള ബ്ലാസ്റ്റേഴ്സിന് വിപി സുഹൈറിനെ നൽകാൻ നോർത്തീസ്റ്റ് യുണൈറ്റഡ് തയ്യാർ, പക്ഷേ ഒരു ഡിമാൻഡ്...
2021-22 സീസണിലായിരുന്നു സഹലിന്റെ ഏറ്റവും മികച്ച പ്രകടനം ഫുട്ബോൾ ലോകം കണ്ടത്. കേരള ബ്ലാസ്റ്റേഴ്സ് പരിശീലകൻ ഇവാൻ വുകോമനോവിച്ചിന്റെ തുറുപ്പുചീട്ടായിരുന്നു ഈ സീസണിൽ സഹൽ. കോച്ച് തന്നിൽ അർപ്പിച്ച വിശ്വാസത്തിന് തകർപ്പൻ പ്രകടനത്തിലൂടെയായിരുന്നു സഹൽ മറുപടി നൽകിയത്. കേരള ബ്ലാസ്റ്റേഴ്സ് ഫൈനലിലെത്തിയ 2021-22 സീസൺ ഐ എസ് എല്ലിൽ 21 മത്സരങ്ങളിൽ കളിക്കാനിറങ്ങിയ യുവ മിഡ്ഫീൽഡർ 6 ഗോളുകൾ നേടിയതിനൊപ്പം ഒരു ഗോളിന് വഴിയുമൊരുക്കിയിരുന്നു.
കേരള ബ്ലാസ്റ്റേഴ്സിന്റെ എക്കാലത്തെയും മികച്ച താരങ്ങളിലൊരാളാണ് ഇരുപത്തിയഞ്ചുകാരനായ സഹൽ. 2017 ൽ ക്ലബ്ബിലെത്തിയ താരം ഇതു വരെ 74 മത്സരങ്ങളിലാണ് ബ്ലാസ്റ്റേഴ്സ് ജേഴ്സിയണിഞ്ഞത്. ഇത്രയും മത്സരങ്ങളിൽ നിന്ന് 7 ഗോളുകൾ നേടിയ സഹൽ അത്ര തന്നെ ഗോളുകൾക്ക് വഴിയുമൊരുക്കി. ഐ എസ് എല്ലിൽ കാഴ്ച വെച്ച മികച്ച പ്രകടനം താരത്തെ ഇന്ത്യൻ ദേശീയ ടീമിലുമെത്തിച്ചു. 2019 ൽ ഇന്ത്യക്കായി അരങ്ങേറ്റം കുറിച്ച ഈ മലയാളി താരം 17 മത്സരങ്ങളിൽ നിന്ന് രണ്ട് ഗോളുകളും ദേശീയ ടീമിനായി നേടിയിട്ടുണ്ട്.
Also Read : കേരള ബ്ലാസ്റ്റേഴ്സിന് വിപി സുഹൈറിനെ നൽകാൻ നോർത്തീസ്റ്റ് യുണൈറ്റഡ് തയ്യാർ, പക്ഷേ ഒരു ഡിമാൻഡ്...
2021-22 സീസണിലായിരുന്നു സഹലിന്റെ ഏറ്റവും മികച്ച പ്രകടനം ഫുട്ബോൾ ലോകം കണ്ടത്. കേരള ബ്ലാസ്റ്റേഴ്സ് പരിശീലകൻ ഇവാൻ വുകോമനോവിച്ചിന്റെ തുറുപ്പുചീട്ടായിരുന്നു ഈ സീസണിൽ സഹൽ. കോച്ച് തന്നിൽ അർപ്പിച്ച വിശ്വാസത്തിന് തകർപ്പൻ പ്രകടനത്തിലൂടെയായിരുന്നു സഹൽ മറുപടി നൽകിയത്. കേരള ബ്ലാസ്റ്റേഴ്സ് ഫൈനലിലെത്തിയ 2021-22 സീസൺ ഐ എസ് എല്ലിൽ 21 മത്സരങ്ങളിൽ കളിക്കാനിറങ്ങിയ യുവ മിഡ്ഫീൽഡർ 6 ഗോളുകൾ നേടിയതിനൊപ്പം ഒരു ഗോളിന് വഴിയുമൊരുക്കിയിരുന്നു.