ആക്രമണത്തിന് പ്രീമിയർ ലീഗ് കരുത്ത്; ഗാരി ഹൂപ്പര് കേരള ബ്ലാസ്റ്റേഴ്സില്
ആക്രമണത്തിന് കൂടുതൽ കരുത്ത് കൂട്ടി കേരള ബ്ലാസ്റ്റേഴ്സ്. പ്രീമിയർ ലീഗ് താരം ഗാരി ഹൂപ്പറിനെ ടീമിലെത്തിച്ചു...
Samayam Malayalam 6 Oct 2020, 12:58 pm
മുന് ഇംഗ്ലീഷ് പ്രീമിയര് ലീഗ് താരം ഗാരി ഹൂപ്പറുമായുള്ള കരാര് ഒപ്പുവച്ചതായി പ്രഖ്യാപിച്ച് കേരള ബ്ലാസ്റ്റേഴ്സ്. പരിചയസമ്പന്നനായ ഇംഗ്ലീഷ് സ്ട്രൈക്കര് ഇന്ത്യന് സൂപ്പര് ലീഗിന്റെ (ഐ.എസ്.എല്) ഏഴാം സീസണില് ക്ലബ്ബിനായി കളിക്കുന്ന കാര്യം സന്തോഷത്തോടെ പ്രഖ്യാപിക്കുന്നതായി കേരള ബ്ലാസ്റ്റേഴ്സ് അറിയിച്ചു. ഇംഗ്ലണ്ടിലെ ഹാര്ലോയില് നിന്നുള്ള 32കാരനായ ഗാരി ഹൂപ്പര്, ഏഴാം വയസില് തന്നെ ടോട്ടനം ഹോട്സ്പര് അക്കാദമിയില് നിന്നാണ് കളിപഠിച്ചു തുടങ്ങിയത്.
ലില്ലി വൈറ്റ്സിലെ ഏഴുവര്ഷത്തെ സേവനത്തിന് ശേഷം ഗ്രേസ് അത്ലറ്റിക്കില് ചേര്ന്നു. 2004ലാണ് ഗ്രേസിനൊപ്പം സീനിയര് ടീം അരങ്ങേറ്റം. പുതുതായി രൂപീകരിച്ച കോണ്ഫറന്സ് സൗത്തിലേക്ക് (നാഷണല് ലീഗ് സൗത്ത്) ടീമിന് സ്ഥാനക്കയറ്റം ലഭിച്ചപ്പോഴായിരുന്നു ഇത്. സൗത്തെന്ഡ് യുണൈറ്റഡിലേക്ക് ചേക്കേറും മുമ്പ് ഗ്രേസിനായി 30 മത്സരങ്ങളില് നിന്ന് 12 ഗോളുകള് താരം നേടി. സൗത്തെന്ഡിലെ രണ്ടുവര്ഷം തുടര്ന്നുള്ള സീസണുകളില് രണ്ടു വിജയകരമായ വായ്പ അടിസ്ഥാനത്തിലുള്ള മാറ്റത്തിനും വഴിയൊരുക്കി. 19 മത്സരങ്ങളില് നിന്ന് 11 ഗോളുകളുമായി ഹെര്ഫോര്ഡ് യുണൈറ്റഡിലെ മികച്ച പ്രകടനം ലീഗ് വണ് ക്ലബ്ബായ സ്കന്തോര്പ് യുണൈറ്റഡില് സ്ഥിരമായ സ്ഥാനം നേടിക്കൊടുത്തു.
Also Read: നീ ഇനിയൊന്ന് പുറത്തിറങ്ങി നോക്ക്... ഫിഞ്ചിനെ ഞെട്ടിച്ച് അശ്വിൻ; ഡൽഹി vs ബാംഗ്ലൂർ ട്രോളുകൾ!!
സ്കന്തോര്പിലെ മികച്ച ഫോം 2010ല് ഹൂപ്പറെ സ്കോട്ടിഷ് വമ്പന്മാരായ സെല്റ്റിക്കില് എത്തിച്ചു. മൂന്നു സീസണുകളിലായി യുവേഫ ചാമ്പ്യന്സ് ലീഗിലും യൂറോപ്പ ലീഗിലും ടീമിനായി കളിച്ചു. തുടര്ന്നുള്ള രണ്ടു സീസണുകളില് തുടര്ച്ചയായ ലീഗ് കിരീടവും നേടി. 2012-13ലെ 51 മത്സരങ്ങളില് 31 ഗോള് നേടിയുള്ള ഹൂപ്പറിന്റെ ഏറ്റവും മികച്ച സീസണ് പ്രകടനം ഡബിള് കിരീട നേട്ടമാണ് ടീമിന് സമ്മാനിച്ചത്. അടുത്ത സീസണില് നോര്വിച്ച് സിറ്റി എഫ്സിയുമായി കരാര് ഒപ്പുവച്ചതോടെ ഇംഗ്ലീഷ് പ്രീമിയര് ലീഗില് കളിക്കാനുള്ള അവസരമൊരുങ്ങി. ക്ലബ്ബിന്റെ ടോപ് സ്കോറര് ആയാണ് ഹൂപ്പര് നോര്വിച്ചിനൊപ്പം ആദ്യവര്ഷം പൂര്ത്തിയാക്കിയത്. പിന്നീട് ടീം തരംതാഴ്ത്തപ്പെട്ടു. എന്നാല് ഹൂപ്പറിന്റെ ക്ലിനിക്കില് ഫിനിഷിലൂടെയുള്ള സുപ്രധാന ഗോളുകളിലൂടെ ഉടന് തന്നെ ടോപ്പ് ഡിവിഷനിലേക്ക് ടീം തിരിച്ചെത്തുകയും ചെയ്തു.
Also Read:ചെയ്തു, ചെയ്തില്ല... അബദ്ധം പിണഞ്ഞ കോലി ചിരിച്ചു; അതൊക്കെ സംഭവിക്കാമെന്ന് സച്ചിൻ!!
കളി ജീവിതത്തിലെ അടുത്ത അധ്യായം കേരള ബ്ലാസ്റ്റേഴ്സിനൊപ്പമാണെന്നും അതിനെ വളരെ പ്രതീക്ഷയോടെയാണ് നോക്കികാണുന്നതെന്നും ഗാരി ഹൂപ്പര് പറഞ്ഞു. തന്റെ പരിചയ സമ്പത്ത് ടീമിനെ സഹായിക്കുമെന്ന് ഉറപ്പുണ്ട്. ടീമിന് വേണ്ടി നിര്ണായ ഗോളുകള് നേടാനും വെല്ലുവിളികള് അതിജീവിക്കാനും ഐഎസ്എല് കിരീടത്തിനായി ടീമിനെ സഹായിക്കാനും തനിക്ക് കഴിയുമെന്ന് പ്രതീക്ഷിക്കുന്നു. സഹതാരങ്ങളെ കണ്ടുമുട്ടാനും പുതിയ സീസണിനായി പരിശീലനം ആരംഭിക്കാനുമുള്ള ആകാംക്ഷയിലാണ് ഞാന് - ഗോവയില് പ്രീ സീസണിനായി ഉടന് ടീമിനൊപ്പം ചേരുന്ന ഗാരി ഹൂപ്പര് പറഞ്ഞു.
ലില്ലി വൈറ്റ്സിലെ ഏഴുവര്ഷത്തെ സേവനത്തിന് ശേഷം ഗ്രേസ് അത്ലറ്റിക്കില് ചേര്ന്നു. 2004ലാണ് ഗ്രേസിനൊപ്പം സീനിയര് ടീം അരങ്ങേറ്റം. പുതുതായി രൂപീകരിച്ച കോണ്ഫറന്സ് സൗത്തിലേക്ക് (നാഷണല് ലീഗ് സൗത്ത്) ടീമിന് സ്ഥാനക്കയറ്റം ലഭിച്ചപ്പോഴായിരുന്നു ഇത്. സൗത്തെന്ഡ് യുണൈറ്റഡിലേക്ക് ചേക്കേറും മുമ്പ് ഗ്രേസിനായി 30 മത്സരങ്ങളില് നിന്ന് 12 ഗോളുകള് താരം നേടി. സൗത്തെന്ഡിലെ രണ്ടുവര്ഷം തുടര്ന്നുള്ള സീസണുകളില് രണ്ടു വിജയകരമായ വായ്പ അടിസ്ഥാനത്തിലുള്ള മാറ്റത്തിനും വഴിയൊരുക്കി. 19 മത്സരങ്ങളില് നിന്ന് 11 ഗോളുകളുമായി ഹെര്ഫോര്ഡ് യുണൈറ്റഡിലെ മികച്ച പ്രകടനം ലീഗ് വണ് ക്ലബ്ബായ സ്കന്തോര്പ് യുണൈറ്റഡില് സ്ഥിരമായ സ്ഥാനം നേടിക്കൊടുത്തു.
Also Read: നീ ഇനിയൊന്ന് പുറത്തിറങ്ങി നോക്ക്... ഫിഞ്ചിനെ ഞെട്ടിച്ച് അശ്വിൻ; ഡൽഹി vs ബാംഗ്ലൂർ ട്രോളുകൾ!!
സ്കന്തോര്പിലെ മികച്ച ഫോം 2010ല് ഹൂപ്പറെ സ്കോട്ടിഷ് വമ്പന്മാരായ സെല്റ്റിക്കില് എത്തിച്ചു. മൂന്നു സീസണുകളിലായി യുവേഫ ചാമ്പ്യന്സ് ലീഗിലും യൂറോപ്പ ലീഗിലും ടീമിനായി കളിച്ചു. തുടര്ന്നുള്ള രണ്ടു സീസണുകളില് തുടര്ച്ചയായ ലീഗ് കിരീടവും നേടി. 2012-13ലെ 51 മത്സരങ്ങളില് 31 ഗോള് നേടിയുള്ള ഹൂപ്പറിന്റെ ഏറ്റവും മികച്ച സീസണ് പ്രകടനം ഡബിള് കിരീട നേട്ടമാണ് ടീമിന് സമ്മാനിച്ചത്. അടുത്ത സീസണില് നോര്വിച്ച് സിറ്റി എഫ്സിയുമായി കരാര് ഒപ്പുവച്ചതോടെ ഇംഗ്ലീഷ് പ്രീമിയര് ലീഗില് കളിക്കാനുള്ള അവസരമൊരുങ്ങി. ക്ലബ്ബിന്റെ ടോപ് സ്കോറര് ആയാണ് ഹൂപ്പര് നോര്വിച്ചിനൊപ്പം ആദ്യവര്ഷം പൂര്ത്തിയാക്കിയത്. പിന്നീട് ടീം തരംതാഴ്ത്തപ്പെട്ടു. എന്നാല് ഹൂപ്പറിന്റെ ക്ലിനിക്കില് ഫിനിഷിലൂടെയുള്ള സുപ്രധാന ഗോളുകളിലൂടെ ഉടന് തന്നെ ടോപ്പ് ഡിവിഷനിലേക്ക് ടീം തിരിച്ചെത്തുകയും ചെയ്തു.
Also Read:ചെയ്തു, ചെയ്തില്ല... അബദ്ധം പിണഞ്ഞ കോലി ചിരിച്ചു; അതൊക്കെ സംഭവിക്കാമെന്ന് സച്ചിൻ!!
കളി ജീവിതത്തിലെ അടുത്ത അധ്യായം കേരള ബ്ലാസ്റ്റേഴ്സിനൊപ്പമാണെന്നും അതിനെ വളരെ പ്രതീക്ഷയോടെയാണ് നോക്കികാണുന്നതെന്നും ഗാരി ഹൂപ്പര് പറഞ്ഞു. തന്റെ പരിചയ സമ്പത്ത് ടീമിനെ സഹായിക്കുമെന്ന് ഉറപ്പുണ്ട്. ടീമിന് വേണ്ടി നിര്ണായ ഗോളുകള് നേടാനും വെല്ലുവിളികള് അതിജീവിക്കാനും ഐഎസ്എല് കിരീടത്തിനായി ടീമിനെ സഹായിക്കാനും തനിക്ക് കഴിയുമെന്ന് പ്രതീക്ഷിക്കുന്നു. സഹതാരങ്ങളെ കണ്ടുമുട്ടാനും പുതിയ സീസണിനായി പരിശീലനം ആരംഭിക്കാനുമുള്ള ആകാംക്ഷയിലാണ് ഞാന് - ഗോവയില് പ്രീ സീസണിനായി ഉടന് ടീമിനൊപ്പം ചേരുന്ന ഗാരി ഹൂപ്പര് പറഞ്ഞു.