ബ്ലാസ്റ്റേഴ്സ് കളി തുടരുന്നു; ആദ്യപകുതി ഗോള്‍ രഹിതം

കൊച്ചി: ഐഎസ്എല്ലിലെ ആദ്യ കളിയുടെ ആദ്യ പകുതിയില്‍ ഇരു ടീമുകളും ഗോള്‍രഹിത സമനിലയില്‍ പിരിഞ്ഞു. എതിരാളികളായി കൊല്‍ക്കത്തയെത്തുമ്പോൾ കഴിഞ്ഞ സീസണില്‍ ഫൈനലിലേറ്റ തോല്‍വിക്കുള്ള മധുരപ്രതികാരം കൂടിയാണ് ബ്ലാസ്റ്റേഴ്സ് ലക്ഷ്യമിടുന്നത്.കൊല്‍ക്കത്ത ബ്ലാസ്റ്റേഴ്‌സ് ഗോള്‍പോസ്റ്റിന് സമീപം നിരന്തരം വെല്ലുവിളികള്‍ സൃഷ്ടിക്കുകയാണ്. താരപ്പൊലിമയിലും ആരാധകരുടെ ആര്‍പ്പുവിളിയിലും ആഘോഷമായ ഉദ്ഘാടനം കൊച്ചിയെ അക്ഷരാര്‍ത്ഥത്തില്‍ ആവേശത്തിലാഴ്ത്തി.

മലയാളി താരങ്ങളായ സി.കെ വിനീതും റിനോ ആന്റോയും ആദ്യ ഇലവനില്‍ ഇടംനേടി. ഒപ്പം കറേജ് പെകൂസണും ഇയാന്‍ ഹ്യൂമും ദിമിത്രി ബെര്‍ബറ്റോവും ആദ്യ ഇലവനിലുണ്ട്.
അഞ്ചു വിദേശ താരങ്ങളും ആറു ഇന്ത്യന്‍ താരങ്ങളുമായി ബ്ലാസ്റ്റേഴ്സ് നിരയിലുള്ളത്.