ISL 2018 Live: പൂനൈക്കെതിരെ ഗോൾ തിരിച്ചടിച്ച് കേരള ബ്ലാസ്റ്റേഴ‍്‍സ്

പൂനൈ: ഇന്ത്യൻ സൂപ്പർ ലീഗിൽ പൂനൈ ഛത്രപതി ശിവജി സ്റ്റേഡിയത്തിൽ കേരള ബ്ലാസ്റ്റേഴ‍്‍സ് പൂനൈ സിറ്റി എഫ്.സിയെ നേരിടുന്നു. സമനിലകളിൽ നിന്ന് മാറി വിജയം ലക്ഷ്യമിട്ടാണ് ബ്ലാസ്റ്റേഴ‍്‍സ് ഇറങ്ങുന്നത്. വിജയത്തോടെ തുടങ്ങിയ ടീം പിന്നീട് തുടരെ സമനിലകൾ നേരിടുകയായിരുന്നു.

കേരള ബ്ലാസ്റ്റേഴ‍്‍സിനെ തുടക്കത്തിൽ തന്നെ ഞെട്ടിച്ച് പൂനൈ. 13ാം മിനിറ്റിലാണ് അവർ ഗോൾ നേടിയത്. സ്റ്റാൻകോവിച്ചാണ് ആദ്യ ഗോൾ നേടിയത്. തുടക്കത്തിൽ ബ്ലാസ്റ്റേഴ്സ് മികച്ച മുന്നേറ്റങ്ങൾ നടത്തിയെങ്കിലും ഗോൾ നേടാനായില്ല.

രണ്ടാം പകുതിയിൽ പൂനൈക്ക് അനുകൂലമായ പെനാൽറ്റി ലഭിച്ചുവെങ്കിലും ഗോൾ നേടാനായില്ല. പൂനൈ പെനാൽറ്റി പാഴാക്കുകയായിരുന്നു. ഗോൾ തിരിച്ചടിച്ച് കേരള ബ്ലാസ്റ്റേഴ‍്‍സ്. മത്സരം സമനിലയിലെത്തി. ക്രെമെറെവിച്ചാണ് ഗോൾ നേടിയത്.







ലീഗിൽ ഇത് വരെയുള്ള ഒരു മത്സരത്തിലും കേരള ബ്ലാസ്റ്റേഴ‍്‍സ് ഇത് വരെ പരാജയപ്പെട്ടിട്ടില്ല. പോയിൻറ് പട്ടികയിൽ ടീം ഏഴാം സ്ഥാനത്താണ്. ഇന്ന് ജയിച്ചാൽ അഞ്ചാം സ്ഥാനത്തെത്താം. പൂനെ പോയിൻറ് പട്ടികയിൽ പത്താമതാണ്. മൂന്ന് മത്സരങ്ങളിലാണ് ഈ സീസണിൽ അവർ തോറ്റത്.