ഐഎസ്എല്ലിൽ മുംബൈ സിറ്റിക്ക് കന്നിക്കിരീടം; ഫൈനലിൽ എടികെയ്ക്ക് തോൽവി

അവസാന നിമിഷം വരെ ആവേശം മുറ്റിനിന്ന ഐഎസ്എൽ ഫൈനൽ പോരാട്ടത്തിൽ എടികെ മോഹൻ ബഗാനെ കീഴടക്കി മുംബൈ സിറ്റിക്ക് കിരീടം. ഇന്ത്യൻ സൂപ്പർ ലീഗിൽ ഇതാദ്യമായാണ് മുംബൈ സിറ്റി ചാമ്പ്യൻമാരാവുന്നത്. ഒന്നിനെതിരെ രണ്ട് ഗോളുകൾക്കാണ് ജയം. ആദ്യപകുതിയിൽ ഇരുടീമുകളും ഓരോ ഗോളടിച്ച് സമനിലയിലായിരുന്നു.

18ാം മിനിറ്റിൽ ഡേവിഡ് വില്യംസ് നേടിയ ഗോളിലൂടെ എടികെ മോഹൻ ബഗാനാണ് മത്സരത്തിൽ ആദ്യം ലീഡെടുത്തത്. എടികെ വഴങ്ങിയ സെൽഫ് ഗോളിലൂടെയാണ് മുംബൈ സിറ്റി സമനില പിടിച്ചത്. മത്സരം അവസാനിക്കാൻ സെക്കൻറുകൾ ബാക്കി നിൽക്കെയാണ് ബിപിൻ സിങിൻെറ ഗോളിലൂടെ മുംബൈ വിജയം നേടിയത്.

Also Read: ആർച്ചറിനെ സിക്സർ പറത്തിയ റിഷഭ് പന്ത്; ക്രിക്കറ്റ് ചരിത്രത്തിലെ ഏറ്റവും മികച്ച ഷോട്ട്? പുകഴ്ത്തി ഇതിഹാസങ്ങൾ!!

മുംബൈ സിറ്റി ആദ്യമായാണ് ഐഎസ്എല്ലിൽ കിരീടം നേടുന്നത്. ഇരുടീമുകളും മത്സരത്തിൽ ഒപ്പത്തിനൊപ്പം നിന്ന പോരാട്ടമാണ് കാഴ്ച വെച്ചത്. ഒരു ഗോൾ പിന്നിട്ട് നിന്ന ശേഷമുള്ള മുംബൈയുടെ മത്സരത്തിലേക്കുള്ള തിരിച്ചുവരവ് ഗംഭീരമായിരുന്നു. വിജയഗോൾ നേടിയ ബിപിൻ സിങാണ് കളിയിലെ താരം. ഐഎസ്എൽ പോയൻറ് പട്ടികയിലും മുുംബൈ സിറ്റിയാണ് ഒന്നാം സ്ഥാനത്തെത്തിയിരുന്നത്.