റിനോ ആന്റോ ബ്ലാസ്‍റ്റേഴ‍്‍സ് വിടുന്നു? ബെംഗലൂരുവിലേക്കെന്ന് സൂചന

കൊച്ചി: കേരള ബ്ലാസ്‍റ്റേഴ‍്‍സ് ഡിഫൻഡർ റിനോ ആന്റോ ടീം വിടുന്നുവെന്ന് സൂചന. റിനോയുമായുള്ള കരാർ പുതുക്കാൻ ബ്ലാസ്‍റ്റേഴ‍്‍സ് മാനേജ്‍മെൻറ് തയ്യാറായിട്ടില്ലെന്നാണ് റിപ്പോ‍ർട്ട്. ബെംഗലൂരു എഫ്.സിയുമായി താരം ധാരണയിലെത്തിയതായും റിപ്പോ‍ർട്ടുണ്ട്.

അതേ സമയം സൂപ്പ‍ർകപ്പിൽ താരം ടീമിനൊപ്പം ഉണ്ടാവുമെന്നാണ് സൂചന. സൂപ്പ‍ർകപ്പിന് ശേഷമേ റിനോയുമായുള്ള ബ്ലാസ്റ്റേഴ്സിൻെറ കരാ‍ർ അവസാനിക്കുകയുള്ളൂ. നേരത്തെ ബെംഗലൂരു എഫ്.സിയിൽ നിന്ന് തന്നെയാണ് റിനോ കേരള ബ്ലാസ്‍റ്റേഴ‍്‍സിൽ എത്തിയത്.

അറുപതോളം മത്സരങ്ങളിൽ റിനോ ബെംഗലൂരുവിനായി കളിച്ചിട്ടുണ്ട്. ഇതുമായി ബന്ധപ്പെട്ട് റിനോ ഇത് വരെ പ്രതികരിച്ചിട്ടില്ല. കേരള ബ്ലാസ്റ്റേഴ്സ് സ്ട്രൈക്കറും റിനോയുടെ അടുത്ത സുഹൃത്തുമായ സി.കെ.വിനീതും ബ്ലാസ്‍റ്റേഴ‍്‍സ് വിട്ടേക്കുമെന്ന് നേരത്തെ റിപ്പോ‍ർട്ടുകൾ ഉണ്ടായിരുന്നു.