തോല്വി താങ്ങാനായില്ല
ചെന്നൈയിന് എഫ്സിക്കെതിരായ ആദ്യ പാദ മത്സരത്തില് 3-1നാണ് കേരള ബ്ലാസ്റ്റേഴ്സ് പരാജയപ്പെട്ടത്. എന്നാല് അന്ന് ആരാധകരെ സംബന്ധിച്ച് അതൊരു പ്രശ്നമേയല്ലായിരുന്നു. നിരവധി മത്സരങ്ങള് ബാക്കി നില്ക്കുന്നുണ്ടായിരുന്നു. എന്നാല് രണ്ടാം പാദത്തില് സ്വന്തം കാണികള്ക്ക് മുന്നില് 6-3ന് ബ്ലാസ്റ്റേഴ്സ് വീണ്ടും തോറ്റത് ആരാധകര്ക്ക് സഹിക്കാവുന്നതിലും അപ്പുറത്തായിരുന്നു. ഇതോടെ കേരള ബ്ലാസ്റ്റേഴ്സിന്റെ പ്ലേഓഫ് സാധ്യതകളും അസ്തമിച്ചു എന്നതാണ് ആരാധകരെ നിരാശരാക്കിയിരിക്കുന്നത്. രസകരമായ ട്രോളുകളുടെ രൂപത്തിലാണ് ആ നിരാശ അവര് പ്രകടിപ്പിക്കുന്നത്.
Twitter-Shri 🌈🏳️🌈
തോല്പ്പിച്ചത് പ്രതിരോധവും കീപ്പറും
കഴിഞ്ഞ മത്സരത്തില് കേരള ബ്ലാസ്റ്റേഴ്സിനെ തോല്വിയിലേക്ക് നയിക്കുന്നതില് പ്രധാന പങ്ക് വഹിച്ചത് നിരുത്തരവാദപരമായ പ്രതിരോധത്തിന്റെ പ്രകടനവും ഗോള് കീപ്പര് ടിപി രഹ്നേഷിന്റെ മണ്ടത്തരങ്ങളുമായിരുന്നു എന്ന കാര്യത്തില് തര്ക്കമില്ല. ഏറ്റവും ടൂടുതല് ട്രോളുകള് ഏറ്റുവാങ്ങേണ്ടി വരുന്നതും ഗോള്കീപ്പര് തന്നെയാണ്.
Twitter-Vivek
പതനത്തിന് തുടക്കമിട്ടത് രഹ്നേഷ്
ഗോള് കീപ്പര് ടിപി രഹ്നേഷ് കാട്ടിയ ആനമണ്ടത്തരത്തിന്റെ ഫലമായാണ് കേരള ബ്ലാസ്റ്റേഴ്സ് തോല്വിയിലേക്കുള്ള യാത്ര ആരംഭിച്ചത്. മൈനസ് പാസായി ലഭിച്ച പന്ത് രണ്ട് എതിരാളികള് തനിക്ക് മുന്നില് നില്ക്കേ അശ്രദ്ധമായി നര്സാറി നല്കാന് ശ്രമിക്കുകയായിരുന്നു. എന്നാല് പന്ത് അനായാസമായി പിടിച്ചെടുത്ത ചൈന്നൈയിൻ മുന്നേറ്റതാരം ക്രിവലാരോ ഒട്ടും വൈകാതെ പന്ത് വലയിലെത്തിച്ചു. ബ്ലാസ്റ്റേഴ്സ് വഴങ്ങിയ ആദ്യഗോളായിരുന്നു ഇത്. പിന്നെയും അനായാസ ഷോട്ടുകള് പിടിക്കാതെ രഹ്നേഷ് ഗോള് വഴങ്ങി.