ചെന്നൈയിനെതിരെ ഗംഭീര കളി പുറത്തെടുത്ത് ഈസ്റ്റ് ബംഗാൾ; 2-2ന് സമനില പിടിച്ചു

ലീഗിൻെറ തുടക്കത്തിൽ താളം കണ്ടെത്താൻ വിഷമിച്ച ഈസ്റ്റ് ബംഗാൾ മികച്ച പ്രകടനത്തിലൂടെ തിരിച്ചുവരവ് നടത്തുന്നു. കേരള ബ്ലാസ്റ്റേഴ്സ് കഴിഞ്ഞ മത്സരത്തിൽ തോൽക്കാതെ രക്ഷപ്പെട്ടത് കഷ്ടിച്ചാണ്. മുൻ ചാമ്പ്യൻമാരായ ചെന്നൈയിൻ എഫ്സിയെയും സമനിലയിൽ കുരുക്കിയിരിക്കുകയാണിപ്പോൾ ഐഎസ്എല്ലിലെ കന്നിക്കാരായ ഈസ്റ്റ് ബംഗാൾ.

ശനിയാഴ്ച നടന്ന മത്സരത്തിൽ ഇരുടീമുകളും രണ്ട് ഗോളുകൾ വീതമടിച്ചാണ് സമനിലയിൽ പിരിഞ്ഞത്. മത്സരത്തിൻെറ തുടക്കം മുതൽ ആക്രമണ ഫുട്ബോളാണ് ഈസ്റ്റ് ബംഗാൾ പുറത്തെടുത്തത്. ചെന്നൈയിനും ഒട്ടും മോശമാക്കിയില്ല. 13ാം മിനിറ്റിൽ ആദ്യഗോളടിച്ച് ചെന്നൈയിൻ ലീഡ് നേടി. ചങ്തെയാണ് ഗോളടിച്ചത്.

Also Read: അത് വിക്കറ്റല്ലാതെ പിന്നെന്താണ്? ടിം പെയ്നിനെ രക്ഷിച്ചത് അമ്പയറോ! ബോക്സിങ് ഡേ ടെസ്റ്റിൽ വൻ വിവാദം!!



മാറ്റി സ്റ്റെയ്ൻമാൻ ആയിരുന്നു ഈസ്റ്റ് ബംഗാളിൻെറ ഹീറോ. മത്സരത്തിലെ ഹീറോ ഓഫ് ദി മാച്ച് പുരസ്കാരവും ഇരട്ടഗോൾ നേടിയ സ്റ്റെയ്ൻമാൻ സ്വന്തമാക്കി. 59ാം മിനിറ്റിലും 68ാം മിനിറ്റിലുമാണ് അദ്ദേഹം ചെന്നൈയിൻ വല കുലുക്കിയത്. റഹിം അലിയാണ് 64ാം മിനിറ്റിൽ ചെന്നൈയിൻെറ രണ്ടാം ഗോൾ നേടിയത്.