ഗെറ്റഫെയ്ക്ക് എതിരെ ഇരട്ടഗോള്‍; എവേ മാച്ചിൽ ജയമില്ലെന്ന പരാതി തീർത്ത് ബാഴ്‌സലോണ

ലാലിഗയിലെ തങ്ങളുടെ ഏഴാം മത്സരത്തില്‍ നാലാം ജയം സ്വന്തമാക്കി ബാഴ്സലോണ എഫ്സി. ഗെറ്റഫെയെ എതിരില്ലാത്ത രണ്ട് ഗോളുകള്‍ക്കാണ് ബാഴ്സലോണ പരാജയപ്പെടുത്തിയത്. എവേ മാച്ചിൽ ബാഴ്‌സലോണയ്ക്ക് ജയിക്കാനാവുന്നില്ലെന്ന പരാതിയാണ് ഇതോടെ അവസാനിച്ചിരിക്കുന്നത്. 41ാം മിനുട്ടില്‍ ലൂയിസ് സുവാരസും 49ാം മിനുട്ടില്‍ ജൂനിയര്‍ ഫിര്‍പോയുമാണ് ബാഴ്സയ്ക്കായി ഗോളുകള്‍ സ്വന്തമാക്കിയത്.



ഇന്ന് നടന്ന മത്സരത്തിൽ ഗെറ്റാഫെയുടെ ഹോം ഗ്രൗണ്ടായ കൊളീസിയം അല്‍ഫോണ്‍സോ പെരെസ് ഗ്രൗണ്ടിലാണ് മറുപടിയില്ലാത്ത രണ്ടു ഗോളുകൾക്ക് ബാഴ്‌സലോണ എവേ ജയം കൈപ്പിടിയിലൊതുക്കിയത്. ബാഴ്സയുടെ അവസാനത്തെ ഒൻപത് എവേ മത്സരങ്ങളിലെ ആദ്യ ജയമാണ് ഇന്ന് ഗെറ്റഫെയ്ക്ക് എതിരെ സ്വന്തമാക്കിയത്.

Also Read: മെട്രിക്സ് ചലഞ്ച് ഏറ്റെടുത്ത് ഇബ്രാഹിമോവിച്ചിന്‍റെ അതിശയിപ്പിക്കും വീഡിയോ

ബാഴ്‌സലോണക്ക് വേണ്ടി ആദ്യ പകുതിയിൽ ലൂയിസ് സുവാരസാണ് ആദ്യഗോള്‍ നേടിയത്. 41ാം മിനുട്ടിലാണ് സുവാരസ് ബാഴ്സയ്ക്ക് ലീഡ് നേടിക്കൊടുത്തത്. രണ്ടാം പകുതിയിൽ ജൂനിയര്‍ ഫിർപ്പോ ബാഴ്സയുടെ ലീഡ് രണ്ടാക്കി ഉയര്‍ത്തി. മത്സരത്തിന്‍റെ 82ാം മിനുട്ടിൽ ബാഴ്‌സ താരം ലെങ്ലെറ്റ് ചുവപ്പ് കാർഡ് കണ്ട് പുറത്തായതോടെ പത്ത് പേരായി ചുരുങ്ങിയെങ്കിലും ഗെറ്റഫെയ്ക്ക് ഇത് മുതലാക്കാനായില്ല

Also Read: 'ഡബിള്‍ സെഞ്ച്വറിക്ക് 200 റണ്‍സ് കുറവ്'; രോഹിതിനെ ട്രോളി സോഷ്യന്‍ മീഡിയ

ഗെറ്റഫെയ്ക്ക് എതിരായ ജയത്തോടെ ഏഴ് മത്സരങ്ങളില്‍ നിന്ന് നാല് ജയവും 13 പോയിന്‍റുമായി ലീഗിൽ രണ്ടാം സ്ഥാനത്തേക്ക് മുന്നേറാനും ബാഴ്‌സലോണക്കായി. അതേസമയം ഏഴ് മത്സരങ്ങളില്‍ നിന്ന് നാല് ജയവും 14 പോയിന്‍റുമായി മായി ഒന്നാം സ്ഥാനത്തുള്ള റയൽ മാഡ്രിഡിന്‍റെ അടുത്ത എതിരാളികൾ അത്ലറ്റികോ മാഡ്രിഡാണ്.