Barcelona vs Real Madrid: സീസണിലെ ആദ്യ എല്‍ക്ലാസികോ മത്സരത്തിനുള്ള തീയ്യതിയായി

മാഡ്രിഡ്: ലാലിഗ 2019-20 സീസണിലെ എല്‍ ക്ലാസികോ മത്സരത്തിനുള്ള തീയതിയും സമയവും പ്രഖ്യാപിച്ചു. ഒക്ടോബര്‍ 26നാണ് ഫുട്ബോള്‍ ലോകം ആകാംക്ഷയോടെ കാത്തിരിക്കുന്ന റയല്‍ മാഡ്രിഡ്- ബാഴ്സലോണ മത്സരം അരങ്ങേറുക. ബാഴ്സലോണയുടെ തട്ടകമായ ക്യാമ്പ് നൗവിലാണ് ബദ്ധവൈരികള്‍ തമ്മിലുള്ള പോരാട്ടം നടക്കുന്നത്.

ലാലിഗയുടെ ഈ സീസണില്‍ ബാഴ്സലോണയുടേയും റയല്‍ മാഡ്രിഡിന്‍റെയും പ്രകടനത്തില്‍ ആരാധകര്‍ അത്രകണ്ട് തൃപ്തരല്ല. ഇതുവരെ കഴിഞ്ഞ മത്സരങ്ങളിലൊന്നും മികച്ച പ്രകടനം പുറത്തെടുക്കാന്‍ രണ്ട് ക്ലബ്ബുകള്‍ക്കും സാധിച്ചിട്ടില്ല. അതുകൊണ്ട് തന്നെ എല്‍ ക്ലാസികോ മത്സരം റയലിനും ബാഴ്സയ്ക്കും ഒരുപോലെ നിര്‍ണായകമാണ്.

Also Read: 'പ്രവേശനമില്ല'; റാഫിയെയും സൂയിയെയും നൈസായി ട്രോളി കേരള ബ്ലാസ്റ്റേഴ്സ്

ലാലിഗയില്‍ ആറ് മത്സരങ്ങളില്‍ നിന്ന് നാല് ജയവും രണ്ട് സമനിലയുമുള്ള റയല്‍ 14 പോയിന്‍റുമായി നിലവില്‍ ഒന്നാം സ്ഥാനത്താണ് ഉള്ളത്. അതേസമയം ആറ് മത്സരങ്ങളില്‍ നിന്ന് മൂന്ന് ജയവും രണ്ട് പരാജയവും ഒരു സമനിലയുമാണ് ബാഴ്സലോണയുടെ സമ്പാദ്യം. പട്ടികയില്‍ 10 പോയിന്‍റുമായി അഞ്ചാം സ്ഥാനത്താണ് നിലവിലെ ചാമ്പ്യന്മാരുടെ സ്ഥാനം.

Also Read: സുനില്‍ ഛേത്രിയും ലൂക്ക മോഡ്രിച്ചും നേര്‍ക്കുനേര്‍ ഏറ്റുമുട്ടുമോ? സാധ്യത തെളിയുന്നു

ഈയൊരു നിര്‍ണായക സാഹചര്യത്തില്‍ എല്‍ ക്ലാസികോ എത്തുമ്പോള്‍ ഇരുടീമുകള്‍ക്കും ജയത്തില്‍ കുറഞ്ഞതൊന്നും മതിയാവില്ല. അവസാന സീസണിലെ രണ്ട് എല്‍ ക്ലാസികോ മത്സരങ്ങളിലും ബാഴ്സലോണ എഫ്സിക്കൊപ്പമായിരുന്നു വിജയം. ആദ്യ മത്സരത്തില്‍ ഒന്നിനെതിരെ അഞ്ച് ഗോളുകള്‍ക്കാണ് ബാഴ്സലോണ റയലിനെ പരാജയപ്പെടുത്തിയത്.

റയലിന്‍റെ ഹോം ഗ്രൗണ്ടായ ബെര്‍ണബ്യൂവില്‍ വെച്ച് നടന്ന രണ്ടാം മത്സരത്തിലും ജയം ബാഴ്സയ്ക്ക് ഒപ്പം തന്നെയായിരുന്നു. ഈ തോല്‍വികള്‍ക്ക് പകരം വീട്ടാനുറച്ചായിരിക്കും റയല്‍ ബാഴ്സയ്ക്ക് എതിരെ കളത്തിലിറങ്ങുക. എല്‍ ക്ലാസികോയ്ക്കായി കാത്തിരിക്കുകയാണ് ലോകമെമ്പാടുമുള്ള ഫുട്ബോള്‍ ആരാധകര്‍.

Also Read: പ്രസവത്തിന് ശേഷം സാനിയ മിര്‍സ തിരിച്ചെത്തുന്നു; വര്‍ക്കൗട്ട് വീഡിയോ വൈറല്‍