ലാലിഗയില്‍ വമ്പന്‍ അട്ടിമറി!! കുഞ്ഞന്‍ ക്ലബ്ബായ ഗ്രാനഡ പട്ടികയില്‍ ഒന്നാം സ്ഥാനത്ത്

ലാലിഗ ഫുട്ബോളിൽ വമ്പന്‍ ക്ലബ്ബുകളെ പിന്തള്ളി ഗ്രാനഡ എഫ്സിയുടെ മുന്നേറ്റം. ഇന്നത്തെ മത്സരത്തിലെ ജയത്തോടെ ഗ്രാനഡ പോയിന്‍റ് പട്ടികയില്‍ ഒന്നാം സ്ഥാനത്താണ്. ലീഗിലെ ചില മത്സരങ്ങള്‍ നടക്കാതെ പോയതോടെയാണ് കുഞ്ഞന്‍ ക്ലബ്ബായ ഗ്രാനഡ ലീഗിന്റെ തലപ്പത്ത് എത്തിയിരിക്കുന്നത്.

ഇന്ന് നടന്ന മത്സരത്തിൽ റയൽ ബെറ്റിസിനെ പരാജയപ്പെടുത്തിയാണ് ഗ്രാനഡ ലീഗിൽ ഒന്നാം സ്ഥാനത്തേക്ക് കുതിച്ചത്. മറുപടിയില്ലാത്ത ഏക ഗോളിനായിരുന്നു ഗ്രാനഡയുടെ വിജയം.മത്സരത്തിന്‍റെ രണ്ടാം പകുതിയിൽ വാദിലോ നേടിയ മിന്നും ഗോൾ ആണ് ഗ്രാനഡയ്ക്ക് വിജയവും പട്ടികയില്‍ ഒന്നാം സ്ഥാനവും സമ്മാനിച്ചത്.

Also Read: "അര്‍ജന്‍റീനയെ ഇഷ്ടമല്ല!! തന്‍റെ മകന്‍ അര്‍ജന്‍റീന ക്ലബ്ബിനായി കളിച്ചേക്കില്ല"- വെളിപ്പെടുത്തലുമായി മെസി

ഈ ആഴ്ച നടക്കേണ്ടിയിരുന്ന എൽ ക്ലാസികോ മത്സരം പ്രക്ഷോഭങ്ങളെ തുടര്‍ന്ന് മാറ്റി വെച്ചതിനാൽ ബാഴ്സലോണക്കും റയൽ മാഡ്രിഡിനും കളിക്കാന്‍ സാധിച്ചിരുന്നില്ല. ഈ സാഹചര്യം മുതലെടുത്താണ് ഗ്രാനഡ ഒന്നാമത് എത്തിയത്.

പത്ത് മത്സരങ്ങളില്‍ 20 പോയിന്‍റുമായാണ് ഗ്രാനഡ ഒന്നാം സ്ഥാനം കൈയാളുന്നത്. ഒമ്പത് മത്സരങ്ങളില്‍ നിന്ന് 19 പോയിന്‍റുമായി ബാഴ്സലോണ രണ്ടാം സ്ഥാനത്തും പത്ത് മത്സരങ്ങളില്‍ നിന്ന് 19 പോയിന്‍റുമായി റിയല്‍ സൊസീഡഡ് മൂന്നാം സ്ഥാനത്തുമാണ്.

Also Read: കിലിയന്‍ എംബാപ്പെ റയല്‍ മാഡ്രിഡിലേക്ക്? ബെയ്‍ലിനേയും റോഡ്രിഗസിനേയും റയല്‍ ഒഴിവാക്കുന്നു!!

ഗ്രാനഡ 10 മത്സരങ്ങളില്‍ നിന്ന് 20 പോയിന്‍റ് നേടിയപ്പോള്‍ 19 പോയന്റുള്ള ബാഴ്സലോണ ഒരു മത്സരം കുറവ് മാത്രമേ കളിച്ചിട്ടുള്ളൂ. ഈ സീസൺ തുടക്കത്തിൽ മാത്രം പ്രൊമോഷൻ നേടിയാണ് ഗ്രാനഡ ലാലിഗയിൽ എത്തിയത്. ഈ കുഞ്ഞന്‍ ടീമാണ് ഇപ്പോള്‍ മികച്ച പ്രകടനം നടത്തി വമ്പന്മാരോട് ഒപ്പത്തിനൊപ്പം നില്‍ക്കുന്നത്.

Also Read: ധോണിയുടെ ഹെലികോപ്റ്റര്‍ ഷോട്ട് പരീക്ഷിച്ച് മാക്സ്‍വെല്‍! പിന്നെയാരും പന്ത് കണ്ടില്ല!!!