മെസിക്ക് കരിയറിലെ 700ാം ഗോൾ; അത‍്‍ലറ്റികോ മാഡ്രിഡിനോട് ബാഴ്സയ്ക്ക് സമനില

സൂപ്പർതാരം ലയണൽ മെസിയുടെ കരിയറിലെ 700ാം ഗോളിനും ബാഴ്സലോണയെ രക്ഷിക്കാൻ സാധിച്ചില്ല. അത‍്‍ലറ്റികോ മാഡ്രിഡിനെതിരായ മത്സരത്തിൽ ബാഴ്സയ്ക്ക് 2-2ന് സമനില വഴങ്ങേണ്ടി വന്നു. ലാലിഗ പോയിൻറ് പട്ടികയിൽ റയൽ മാഡ്രിഡിനേക്കാൾ ഒരു പോയിൻറ് പിറകിലാണിപ്പോൾ ബാഴ്സലോണ. 71 പോയിൻറുമായി റയൽ ഒന്നാം സ്ഥാനത്തും 70 പോയിൻറുമായി ബാഴ്സലോണ രണ്ടാം സ്ഥാനത്തുമാണ്. അത‍്‍ലറ്റികോ മാഡ്രിഡ് 59 പോയിൻറുമായി മൂന്നാം സ്ഥാനത്തുണ്ട്.

മത്സരത്തിൻെറ ആദ്യപകുതിയിൽ ഡീഗോ കോസ്റ്റയുടെ സെൽഫ് ഗോളിൽ ബാഴ്സലോണ മുന്നിലെത്തി. 11ാം മിനിറ്റിലായിരുന്നു ഈ ഗോൾ വന്നത്. 19ാം മിനിറ്റിൽ അത‍്‍ലറ്റികോ സമനില പിടിച്ചു. സോൾ നിഗ്വസ് ആണ് ഗോൾ നേടിയത്. 50ാം മിനിറ്റിൽ പെനാൽറ്റിയിലൂടെ മെസി വീണ്ടും ബാഴ്സയെ മുന്നിലെത്തിച്ചു. എന്നാൽ ആഘോഷത്തിന് അധികനേരം ആയുസുണ്ടായില്ല. 62ാം മിനിറ്റിൽ നിഗ്വസ് തന്നെ അത‍്‍ലറ്റികോയ്ക്ക് സമനില ഗോൾ സമ്മാനിച്ചു.

Also Read: രവീന്ദ്ര ജഡേജയെ വെല്ലാൻ ക്രുനാൽ പാണ്ഡ്യക്ക് സാധിക്കുമോ ? ട്വിറ്ററിൽ ആരാധകരുടെ പോര്!

ബാഴ്സലോണക്കായി 724 മത്സരങ്ങളിൽ നിന്ന് മെസി ഇത് വരെ 630 ഗോളുകളാണ് നേടിയിട്ടുള്ളത്. ദേശീയ ടീമായ അർജൻറീനയ്ക്ക് വേണ്ടി 138 മത്സരങ്ങളിൽ നിന്ന് 70 ഗോളുകളും നേടിയിട്ടുണ്ട്.