Sir Alex Ferguson: ഫെര്‍ഗൂസനെതിരെ ഗുരുതര ആരോപണവുമായി റോയ് കീന്‍

മാഞ്ചസ്റ്റര്‍ യുണൈറ്റഡിന്‍റെ മുന്‍ പരിശീലകന്‍ സര്‍ അലക്സ് ഫെര്‍ഗൂസനെതിരെ ഗുരുതര ആരോപണങ്ങള്‍ ഉന്നയിച്ച് മാഞ്ചസ്റ്റര്‍ യുണൈറ്റഡ് ഇതിഹാസം റോയ് കീന്‍ രംഗത്ത്. ഫെര്‍ഗൂസന്‍ മാഞ്ചസ്റ്റര്‍ യുണൈറ്റഡിന്‍റെ നല്ലത് മാത്രമേ നോക്കൂ എന്നാണ് എല്ലാവരും പറയുന്നതെങ്കിലും അങ്ങേയറ്റം സ്വാര്‍ത്ഥനാണ് ഫെര്‍ഗൂസനെന്ന് ക്ലബ്ബിന്‍റെ മുന്‍ ക്യാപ്റ്റന്‍ കൂടിയായ റോയ് കീന്‍ ആരോപിച്ചു.

Also Read: നെയ്മറുമായുള്ള രഹസ്യ വാട്സാപ്പ് ചാറ്റിനെക്കുറിച്ച് സുവാരസിന്‍റെ വെളിപ്പെടുത്തല്‍

അലക്സ് ഫെര്‍ഗൂസന്‍ മാഞ്ചസ്റ്റര്‍ യുണൈറ്റഡിന് വേണ്ടി മാത്രം പ്രവര്‍ത്തിച്ച ആളല്ലെന്ന് റോയ് കീന്‍ കുറ്റപ്പെടുത്തി. ക്ലബ്ബിനൊപ്പമെന്ന പേരില്‍ തന്‍റെ കുടുംബക്കാര്‍ക്ക് വേണ്ടിയാണ് ഫെര്‍ഗൂസന്‍ പ്രവര്‍ത്തിച്ചത്. തന്‍റെ ബന്ധുക്കളെ ക്ലബ്ബിന്‍റെ സ്കൗട്ട് ആക്കിവെച്ചിരിക്കുകയായിരുന്നു അന്ന് ഫെര്‍ഗൂസന്‍. അദ്ദേഹത്തിന്‍റെ മകന്‍ മാഞ്ചസ്റ്റര്‍ യുണൈറ്റഡിന് വേണ്ടി കളിച്ചത് എങ്ങനെയാണെന്നത് പരിശോധിച്ച് നോക്കിയാല്‍ അത് മനസിലാകും. ഇതോടൊപ്പം മകന് ഒരു പ്രീമിയര്‍ ലീഗ് മെഡലും അലക്സ് ഫെര്‍ഗൂസന്‍ വാങ്ങിച്ചുനല്‍കിയെന്നും റോയ് കീന്‍ ആരോപിച്ചു.

Also Read: പിഎസ്ജി ചാമ്പ്യന്‍സ് ലീഗിനുള്ള സ്ക്വാഡ് പ്രഖ്യാപിച്ചു; നെയ്മറിന്‍റെ ഗതിയെന്ത്?

സര്‍ അലക്സ് ഫെര്‍ഗൂസനും റോയ് കീനും തമ്മില്‍ നേരത്തേ തന്നെ നല്ല ബന്ധമല്ല നിലനില്‍ക്കുന്നത്. ഉടക്കിയാണ് ഇരുവരും പിരിഞ്ഞത്. അലക്സ് ഫെര്‍ഗൂസനുമായി നേരിട്ട് പലതവണ ഉടക്കിയ കീന്‍ അഭിപ്രായ വ്യത്യാസങ്ങള്‍ രൂക്ഷമായതോടെയാണ് മാഞ്ചസ്റ്റര്‍ യുണൈറ്റഡ് വിട്ടത്. അന്നത്തെ പ്രശ്നങ്ങള്‍ക്ക് ശേഷം താന്‍ ഇപ്പോഴും ഫെര്‍ഗൂസനോട് സംസാരിക്കാറില്ലെന്ന് കീന്‍ പറഞ്ഞു. ഫെര്‍ഗൂസന്‍ തന്നോട് മാപ്പ് പറയാതെ സംസാരിക്കാന്‍ ഉദ്ദേശിക്കുന്നില്ലെന്നും കീന്‍ വ്യക്തമാക്കി.

Also Read: ഫുട്ബോള്‍ കളിക്കുന്നതിനിടെ ബ്രസീല്‍ ഇതിഹാസം കഫുവിന്‍റെ മകന് ദാരുണാന്ത്യം