Liverpool Beat Sheffield United In Premier League 2019 20
ഷെഫീല്‍ഡിനെതിരെ ലിവര്‍പൂളിന് ഏകപക്ഷീയമായ ഒരു ഗോള്‍ ജയം
ഏകപക്ഷീയമായ ഒരു ഗോളിന് ഷെഫീല്‍ഡ് യുണൈറ്റഡിനെ പരാജയപ്പെടുത്തിയാണ് ലിവര്‍പൂള്‍ അപരാജിത മുന്നേറ്റം തുടരുന്നത്.
Samayam Malayalam28 Sept 2019, 7:48 pm
ഷെഫീല്‍ഡ്: ഇംഗ്ലീഷ് പ്രീമിയര്‍ ലീഗില്‍ ഷെഫീല്‍ഡ് യുണൈറ്റഡിനെതിരെ ലിവര്‍പൂളിന് ജയം. ഏകപക്ഷീയമായ ഒരു ഗോളിനാണ് ഷെഫീല്‍ഡ് യുണൈറ്റഡിനെ ലിവര്‍പൂള്‍ പരാജയപ്പെടുത്തിയത്. ജോര്‍ജിനിയോ വൈനാള്‍ഡം ആണ് ലിവര്‍പൂളിനായി ഗോള്‍ സ്വന്തമാക്കിയത്.
Samayam Malayalam
ആദ്യപകുതിയില്‍ തന്നെ മികച്ച മുന്നേറ്റങ്ങള്‍ നടത്തിയെങ്കിലും ലിവര്‍ പൂളിന് ഗോള്‍ സ്വന്തമാക്കാനായില്ല. നിരവധി തവണ ഷെഫീല്‍ഡിന്‍റെ ഗോള്‍ പോസ്റ്റില്‍ ലിവര്‍പൂള്‍ ആക്രമണങ്ങള്‍ അഴിച്ചുവിട്ടു എങ്കിലും ലക്ഷ്യം കാണാനായില്ല. ആദ്യ പകുതിയില്‍ ഗോളൊന്നുമടിക്കാതെയാണ് ഇരു ടീമുകളും പിരിഞ്ഞത്.
എന്നാല്‍ പ്രീമിയര്‍ ലീഗില്‍ അപരാജിത മുന്നേറ്റം നടത്തുന്ന ലിവര്‍പൂളിന് ജയം അനിവാര്യമായിരുന്നു. രണ്ടാം പകുതിയില്‍ ഗോളിനായി ലിവര്‍ പൂള്‍ കിണഞ്ഞ് പരിശ്രമിച്ചു. മത്സരത്തിന്‍റെ 70ാം മിനുട്ടില്‍ ലിവര്‍പൂള്‍ ലീഡ് സ്വന്തമാക്കി. ജോര്‍ജിനിയോ വൈനാള്‍ഡം ആണ് ലിവര്‍പൂളിന് ലീഡ് നേടിക്കൊടുത്തത്. ഗോള്‍ മടക്കാന്‍ ഷെഫീല്‍ഡ് ശ്രമം നടത്തിയെങ്കിലും നടന്നില്ല. മത്സരം പൂര്‍ണസമയം പിന്നിട്ടപ്പോള്‍ ഏകപക്ഷീയമായ ഒരു ഗോളിന് ലിവര്‍പൂള്‍ ജയം സ്വന്തമാക്കി.
പ്രീമിയര്‍ ലീഗില്‍ ഇതുവരെയുള്ള ഏഴ് മത്സരങ്ങളില്‍ ഏഴും ജയിച്ച് പോയിന്‍റ് പട്ടികയില്‍ ഒന്നാം സ്ഥാനത്താണ് ലിവര്‍പൂള്‍ ഉള്ളത്. ഏഴ് മത്സരങ്ങളില്‍ നിന്നായി 21 പോയിന്‍റുകളാണ് ലിവര്‍പൂളിനുള്ളത്. അതേസമയം ഏഴ് മത്സരങ്ങളില്‍ നിന്നായി എട്ട് പോയിന്‍റുമായി പത്താം സ്ഥാനത്താണ് ഷെഫീല്‍ഡ് യുണൈറ്റഡ് ഉള്ളത്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
