ചാനല് പരിപാടിയില് മഹ്റെസിന് പറ്റിയ അബദ്ധം! ആ താരം മാഞ്ചസ്റ്റര് സിറ്റി വിടുമെന്നത് പരസ്യമായി
ഇംഗ്ലീഷ് പ്രീമയര് ലീഗ് സീസണ് അവസാനിക്കുന്നതോടെ മാഞ്ചസ്റ്റര് സിറ്റിയില് കരാര് പൂര്ത്തിയാകുന്ന ഫെര്നാണ്ടീഞ്ഞോ ക്ലബ്ബ് വിടുമെന്നത് സഹതാരം റിയാദ് മഹ്റെസ് ചാനല് ഷോയില് വെളിപ്പെടുത്തി. പെട്ടെന്നുള്ള ചോദ്യത്തിന് മറുപടി പറയുമ്പോള് സംഭവിച്ച അബദ്ധമായിരുന്നു ഇത്. ക്ലബ്ബിന്റെ ഔദ്യോഗിക രഹസ്യം അങ്ങനെ പരസ്യമായി
Samayam Malayalam 26 Dec 2019, 10:45 am
ഹൈലൈറ്റ്:
- ഡേവിഡ് സില്വക്ക് പിന്നാലെ ഫെര്നാണ്ടീഞ്ഞോയും മാഞ്ചസ്റ്റര് സിറ്റി വിടും
- മുപ്പത് പിന്നിട്ട താരങ്ങളെ ടീമില് നിലനിര്ത്തില്ലെന്ന നയത്തില് മാഞ്ചസ്റ്റര് സിറ്റി
- സ്കൈ സ്പോര്ട്സ് പ്രോഗ്രാമില് റിയാദ് മഹ്റെസിന് ചെറിയൊരു അബദ്ധം സംഭവിച്ചു
മാഞ്ചസ്റ്റര് സിറ്റിയുടെ അള്ജീരിയന് മിഡ്ഫീല്ഡര് റിയാദ് മഹ്റെസിന് ഒരു അബദ്ധം സംഭവിച്ചു. സഹതാരം ഫെര്നാന്ഡീഞ്ഞോ സീസണോടെ ക്ലബ്ബ് വിടുമെന്ന വിവരം അറിയാതെ ഒരു ചാനല് ഷോയില് പറഞ്ഞു പോയി. സ്കൈ സ്പോര്ട്സിന്റെ ക്വിസ് പരിപാടിയില് മാഞ്ചസ്റ്റര് സിറ്റിയില് നിന്ന് സീസണോടെ പോകുന്ന താരങ്ങളാരൊക്കെ എന്ന ചോദ്യത്തിന് ചാടിക്കയറി ബസര് അമര്ത്തിയ മഹ്റെസ് ഉത്തരം നല്കി: ഡേവിസ് സില്വയും ഫെര്നാണ്ടീഞ്ഞോയും ! ഇതില് ഡേവിസ് സില്വ 2020 ഓടെ കരാര് പൂര്ത്തിയാക്കി ക്ലബ്ബ് വിടുമെന്നത് ഔദ്യോഗികമായി പുറത്തു വന്നിരുന്നു. 2010 മുതല് മാഞ്ചസ്റ്റര് സിറ്റിയില് കളിക്കുന്ന സില്വക്ക് പ്രായം 33 ആയി. കഴിഞ്ഞ സീസണില് വിന്സെന്റ് കൊംപാനിക്ക് പുതിയ കരാര് നല്കാതെ സിറ്റി യാത്രയയപ്പ് നല്കിയിരുന്നു. ആ മാതൃകയില് മുപ്പത് പിന്നിട്ടവരെ സിറ്റി കരാര് പൂര്ത്തിയാകുന്നതോടെ യാത്രയാക്കുന്നത് തുടരുകയാണ്. നടപ്പ് സീസണ് പൂര്ത്തിയാകുന്നതോടെ സില്വക്കൊപ്പം ഫെര്നാണ്ടീഞ്ഞോയുടെയും കരാര് അവസാനിക്കും.
Also Read: 13ാം വയസില് ആദ്യ ലൈംഗീകബന്ധം, അതും പത്രം വായിച്ചിരിക്കുമ്പോള്!! ഞെട്ടിക്കുന്ന വെളിപ്പെടുത്തലുമായി മറഡോണ
2013 മുതല് സിറ്റിയുടെ ഭാഗമാണ് ബ്രസീലിയന് താരമായ ഫെര്നാണ്ടീഞ്ഞോ. 34 വയസുള്ള ഫെര്നാണ്ടീഞ്ഞോ സിറ്റിക്കായി 270 മത്സരങ്ങള് കളിച്ചു. മൂന്ന് പ്രീമിയര് ലീഗ് കിരീടങ്ങള് സിറ്റിക്കൊപ്പം സ്വന്തമാക്കി. നാല് ലീഗ് കപ്പും എഫ് എ കപ്പും സ്വന്തമാക്കി ഈ കാലയളവില്.
ഡേവിഡ് സില്വ ഒമ്പതാമത്തെ സീസണാണ് സിറ്റിക്ക് കളിക്കുന്നത്. സ്പെയ്നിനൊപ്പം ലോകകപ്പും യൂറോ കപ്പും നേടിയ സില്വ പ്രീമിയര് ലീഗ് ക്ലബ്ബിനായി 297 മത്സരങ്ങള് കളിച്ചു. 57 ഗോളുകള് നേടിയിട്ടുണ്ട്.
നവംബറില് തന്നെ തന്റെ ഭാവി സംബന്ധിച്ച് ഫെര്നാണ്ടീഞ്ഞോ ചില സൂചനകള് നല്കിയിരുന്നു. മനസ് അനുവദിക്കുന്ന കാലത്തോളം ഫുട്ബോള് കളിക്കും. എന്ന് കളി നിര്ത്തും എന്ന് ചോദിച്ചാല് പറയാന് സാധിക്കില്ല. അത് ചിലപ്പോള് 37, 38..40 വയസ് വരെയാകാം - ഫെര്നാണ്ടീഞ്ഞോ പറഞ്ഞു.
Also Read: 13ാം വയസില് ആദ്യ ലൈംഗീകബന്ധം, അതും പത്രം വായിച്ചിരിക്കുമ്പോള്!! ഞെട്ടിക്കുന്ന വെളിപ്പെടുത്തലുമായി മറഡോണ
2013 മുതല് സിറ്റിയുടെ ഭാഗമാണ് ബ്രസീലിയന് താരമായ ഫെര്നാണ്ടീഞ്ഞോ. 34 വയസുള്ള ഫെര്നാണ്ടീഞ്ഞോ സിറ്റിക്കായി 270 മത്സരങ്ങള് കളിച്ചു. മൂന്ന് പ്രീമിയര് ലീഗ് കിരീടങ്ങള് സിറ്റിക്കൊപ്പം സ്വന്തമാക്കി. നാല് ലീഗ് കപ്പും എഫ് എ കപ്പും സ്വന്തമാക്കി ഈ കാലയളവില്.
ഡേവിഡ് സില്വ ഒമ്പതാമത്തെ സീസണാണ് സിറ്റിക്ക് കളിക്കുന്നത്. സ്പെയ്നിനൊപ്പം ലോകകപ്പും യൂറോ കപ്പും നേടിയ സില്വ പ്രീമിയര് ലീഗ് ക്ലബ്ബിനായി 297 മത്സരങ്ങള് കളിച്ചു. 57 ഗോളുകള് നേടിയിട്ടുണ്ട്.
നവംബറില് തന്നെ തന്റെ ഭാവി സംബന്ധിച്ച് ഫെര്നാണ്ടീഞ്ഞോ ചില സൂചനകള് നല്കിയിരുന്നു. മനസ് അനുവദിക്കുന്ന കാലത്തോളം ഫുട്ബോള് കളിക്കും. എന്ന് കളി നിര്ത്തും എന്ന് ചോദിച്ചാല് പറയാന് സാധിക്കില്ല. അത് ചിലപ്പോള് 37, 38..40 വയസ് വരെയാകാം - ഫെര്നാണ്ടീഞ്ഞോ പറഞ്ഞു.