കൊച്ചി: സന്തോഷ് ട്രോഫി ഫുട്ബോൾ ചാമ്പ്യൻഷിപ്പിനുള്ള കേരള ടീമിനെ പ്രഖ്യാപിച്ചു. ഇരുപത് അംഗ ടീമിനെയാണ് ഇന്ന് പ്രഖ്യാപിച്ചത്. തിരുവനന്തപുരം സ്വദേശിയായ എസ്. സീസണാണ് ഇത്തവണ കേരളത്തെ നയിക്കുക. കണ്ണൂര് സ്വദേശിയും ഗോള്കീപ്പറുമായ വി.മിഥുനാണ് ടീമിന്റെ വൈസ് ക്യാപ്റ്റൻ. നാല് മേഖലകളായാണ് സന്തോഷ് ട്രോഫി മത്സരങ്ങള് നടക്കുന്നത്. ഇതില് ദക്ഷിണ മേഖലാ മത്സരങ്ങളാണ് ആദ്യം നടക്കുക. നിലവിലെ സന്തോഷ് ട്രോഫി ചാമ്പ്യൻമാരാണ് കേരളം. വി.പി ഷാജിയാണ് കേരളത്തിന്റെ പരിശീലകൻ.1993ൽ കപ്പ് നേടിയ ടീമിൽ അംഗമായിരുന്നു അദ്ദേഹം.
സർവീസസ്, തെലങ്കാന, പോണ്ടിച്ചേരി എന്നീ ടീമുകൾ ഉൾപ്പെട്ട ഗ്രൂപ്പിലാണ് കേരളം. ഫെബ്രുവരി നാലിനാണ് മത്സരങ്ങൾ ആരംഭിക്കുക. നാലിന് തെലങ്കാന, ആറിന് പോണ്ടിച്ചേരി, എട്ടിന് സർവീസസ് എന്നീ ടീമുകളെ കേരളം നേരിടും.
സർവീസസ്, തെലങ്കാന, പോണ്ടിച്ചേരി എന്നീ ടീമുകൾ ഉൾപ്പെട്ട ഗ്രൂപ്പിലാണ് കേരളം. ഫെബ്രുവരി നാലിനാണ് മത്സരങ്ങൾ ആരംഭിക്കുക. നാലിന് തെലങ്കാന, ആറിന് പോണ്ടിച്ചേരി, എട്ടിന് സർവീസസ് എന്നീ ടീമുകളെ കേരളം നേരിടും.