ന്യൂഡല്ഹി: രാജ്യത്ത് കൊറോണ വൈറസ് പടര്ന്നുപിടിക്കവെ ഒരു കോടി രൂപയുടെ സഹായവുമായി ഹോക്കി ഇന്ത്യ. പ്രധാനമന്ത്രിയുടെ ദുരിതാശ്വാസ നിധിയിലേക്കാണ് ഹോക്കി ഇന്ത്യയുടെ സഹായം. നേരത്തെ 25 ലക്ഷം രൂപ സംഭാവന ചെയ്ത ഹോക്കി ഇന്ത്യ 75 ലക്ഷം രൂപയുടെ സഹായം കൂടി നല്കാന് തീരുമാനിക്കുകയായിരുന്നു. ഏപ്രില് 1ന് ആയിരുന്നു ഹോക്കി ഇന്ത്യ 25 ലക്ഷം രൂപ നല്കിയത്.
Also Read: ഇന്ത്യന് വനിതാ ഹോക്കിക്ക് കരുത്തേകുന്ന ഡച്ച് വനിതാ കോച്ചിനെ അറിയാതെ പോകരുത്!
ഹോക്കി എല്ലായിപ്പോഴും രാജ്യത്തെ ജനങ്ങളില്നിന്നും സ്നേഹവും പിന്തുണയും ഏറ്റുവാങ്ങിയിട്ടുണ്ട്. അതുകൊണ്ടുതന്നെ രാജ്യത്തെ സഹായിക്കേണ്ടത് തങ്ങളുടെ ഉത്തരവാദിത്വം കൂടിയാണെന്നും അദ്ദേഹം പറയുകയുണ്ടായി. ഗോള്ഫ് താരം അനിര്ബാന് ലാഹിരി 7 ലക്ഷം രൂപയും സഹായമായി നല്കി. സൊമാറ്റോ ഫീഡിങ് ഇന്ത്യ ഇനീഷ്യേറ്റീവിലൂടെ 100 കുടുംബങ്ങളെ സഹായിക്കുമെന്നും അദ്ദേഹം വ്യക്തമാക്കി. ചെറുതായാലും വലുതായാലും രാജ്യത്തിനുവേണ്ടി ഓരോരുത്തരും തങ്ങളുടെ സഹായമെത്തിക്കണമെന്നും അനിര്ബാന് ആഹ്വാനം ചെയ്തു.
നേരത്തെ, ഓള് ഇന്ത്യ ഫുട്ബോള് ഫെഡറേഷന് 25 ലക്ഷം രൂപ സഹായമായി നല്കിയിരുന്നു. ഗുസ്തി ഫെഡറേഷന് ഓഫ് ഇന്ത്യയും ബിസിസിഐയും ഉള്പ്പെടെയുള്ളവരും സര്ക്കാരിന് സഹായം നല്കി. ബിസിസിഐ 51 കോടി രൂപ നല്കിയപ്പോള് ഗുസ്തി ഫെഡറേഷന് ഓഫ് ഇന്ത്യയ്ക്കുവേണ്ടി ബ്രിജ് ഭൂഷണ് സിങ് 11 ലക്ഷം രൂപയാണ് കൊറോണയ്ക്കെതിരായ പോരാട്ടത്തിന് നല്കിയത്.