Pro Kabaddi: ബെംഗലൂരു ബുൾസിനെ തോൽപ്പിച്ച് ദബാങ് ഡൽഹി

ന്യൂഡൽഹി: ബെംഗലൂരു ബുൾസിനെതിരെ നടന്ന ആവേശകരമായ മത്സരത്തിൽ ദബാങ് ഡൽഹിക്ക് വിജയം. നിലവിലുള്ള ചാമ്പ്യൻമാരായ ബെംഗലൂരു ബുൾസിനെ ഡൽഹി 33-31നാണ് പരാജയപ്പെടുത്തിയത്. പ്രോ കബഡി ലീഗ് സീസൺ സെവനിലെ ഡൽഹി ലെഗിലെ ആദ്യ മത്സരമാണ് ഇന്നലെ നടന്നത്.

നവീൻകുമാർ ആയിരുന്നു മത്സരത്തിൽ ഡൽഹിയുടെ ഹീറോ ആയത്. തുടക്കത്തിൽ തന്ന 5-0ൻെറ ലീഡ് നവീൻ ടീമിന് സമ്മാനിച്ചിരുന്നു. എന്നാൽ ശക്തമായി തിരിച്ചു വന്ന ബെംഗലൂരു പതിനൊന്നാം മിനിറ്റിൽ ദബാങ് ഡൽഹിയെ ആദ്യ ഓൾ ഔട്ടാക്കി. സൂപ്പർ 10 പ്രകടനവുമായി നവീൻകുമാർ മികച്ച പ്രകടനമാണ് കാഴ്ച വെച്ചത്.

Read More: ബംഗാൾ വാരിയേഴ്സിനെതിരെ പട‍്‍ന പൈററ്റ്സിന് തോൽവി

മത്സരവിജയത്തോടെ ദബാങ് ഡൽഹി 34 പോയിൻറുമായി രണ്ടാം സ്ഥാനത്ത് തിരിച്ചെത്തി. ജെയ്പൂർ പിങ്ക് പാന്തേഴ്സ് 37 പോയിൻറുമായി ഒന്നാം സ്ഥാനത്ത് തുടരുകയാണ്. 33 പോയിൻറുമായി ബംഗാൾ വാരിയേഴ്സാണ് മൂന്നാമത്. ബെംഗലൂരു ബുൾസ് 28 പോയിൻറുമായി അഞ്ചാം സ്ഥാനത്താണ്.