PKL 2019: ഹരിയാന സ്റ്റീലേഴ്സിനും യുപി യോദ്ധക്കും വിജയം

ന്യൂഡൽഹി: പ്രോ കബഡി ലീഗിൽ തിങ്കളാഴ്ച നടന്ന ആദ്യ മത്സരത്തിൽ ഹരിയാന സ്റ്റീലേഴ്സിന് വിജയം. ബംഗാൾ വാരിയേഴ്സിനെ 36-33നാണ് സ്റ്റീലേഴ്സ് പരാജയപ്പെടുത്തിയത്. ലീഗിൽ സ്റ്റീലേഴ്സിൻെറ ആറാം വിജയമാണിത്. 31 പോയിൻറുമായി അവർ പോയിൻറ് പട്ടികയിൽ അഞ്ചാം സ്ഥാനത്തെത്തി. ഗുജറാത്ത് ഫോർച്യൂൺ ജയൻറ്സിനെതിരെയാണ് അവരുടെ അടുത്ത മത്സരം.

ലീഗിൽ മികച്ച ഫോം തുടരുന്ന വികാഷ് കണ്ടോലയാണ് മത്സരത്തിലെ താരമായത്. പതിനൊന്ന് പോയിൻറുകളാണ് അദ്ദേഹം ടീമിനായി നേടിയത്. നാല് ടാക്കിൾ പോയിൻറുമായി ക്യാപ്റ്റൻ ധർമരാജും സ്റ്റീലേഴ്സിനായി മികച്ച പ്രകടനം കാഴ്ച വെച്ചു. ബംഗാൾ വാരിയേഴ്സ് പോയിൻറ് പട്ടികയിൽ 34 പോയിൻറുമായി മൂന്നാം സ്ഥാനത്തുണ്ട്.

Read More: ബെംഗലൂരു ബുൾസിനെ തോൽപ്പിച്ച് ദബാങ് ഡൽഹി

രണ്ടാം മത്സരത്തിൽ യുപി യോദ്ധ പൂനേരി പാൾട്ടനെ പരാജയപ്പെടുത്തി. ലീഗിൽ ദയനീയ പ്രകടനം കാഴ്ച വെക്കുന്ന പാൾട്ടൻ പോയിൻറ് പട്ടികയിൽ 11ാം സ്ഥാനത്താണ്. 35-30നാണ് യുപി യോദ്ധയുടെ വിജയം. ശ്രീകാന്ത് ജാദവ് 15 റെയ്ഡ് പോയിൻറുകളാണ് യുപി യോദ്ധക്കായി നേടിയത്. പികെഎൽ പോയിൻറ് പട്ടികയിൽ ഏഴാം സ്ഥാനത്താണ് യുപി യോദ്ധ.

Read More: ബംഗാൾ വാരിയേഴ്സിനെതിരെ പട‍്‍ന പൈററ്റ്സിന് തോൽവി