Pro Kabaddi 2019: യുപി യോദ്ധക്കെതിരെ ഹരിയാന സ്റ്റീലേഴ്സിന് വിജയം

അഹമ്മദാബാദ്: പ്രോ കബഡി ലീഗിൽ ബുധനാഴ്ച നടന്ന മത്സരത്തിൽ യുപി യോദ്ധക്കെതിരെ ഹരിയാന സ്റ്റീലേഴ്സിന് വിജയം. ശക്തമായ പോരാട്ടത്തിനൊടുവിലാണ് സ്റ്റീലേഴ്സ് വിജയം സ്വന്തമാക്കിയത്. റെയ്ഡർ വികാഷ് കണ്ടോലയാണ് ടീമിനായി മിന്നുന്ന പ്രകടനം പുറത്തെടുത്തത്. 36-33നാണ് ഹരിയാന സ്റ്റീലേഴ്സിൻെറ വിജയം. മത്സരത്തിലെ വിജയത്തോടെ അവർ പോയിൻറ് പട്ടികയിൽ നാലാം സ്ഥാനത്തെത്തി.


മത്സരത്തിൻെറ തുടക്കത്തിൽ മൂന്ന് പോയിൻറുകൾ പെട്ടെന്ന് തന്നെ നേടി യുപി യോദ്ധ മേൽക്കൈ നേടിയിരുന്നു. എന്നാൽ വികാഷിൻെറ പ്രകടനം സ്റ്റീലേഴ്സിന് ആത്മവിശ്വാസം പകർന്നു. 13ാം മിനിറ്റിലായിരുന്നു യുപി യോദ്ധയുടെ ആദ്യ ഓൾ ഔട്ട്. പിന്നീട് അവർ 7-11ന് ലീഡ് സ്വന്തമാക്കി. ഈ മേൽക്കൈ നിലനിർത്തിയാണ് ഒടുവിൽ വിജയം സ്വന്തമാക്കിയത്.

Read More: ബംഗാൾ വാരിയേഴ‍്‍സും തെലുഗു ടൈറ്റൻസും തമ്മിലുള്ള മത്സരം സമനിലയിൽ

ആദ്യപകുതി അവസാനിക്കുമ്പോൾ സ്റ്റീലേഴ്സിന് യുപി യോദ്ധക്കെതിരെ 16-12നായിരുന്നു ലീഡ്. സൂപ്പർ 10 പ്രകടനവുമായി വികാഷാണ് മത്സരത്തിലെ താരമായത്. പ്രോ കബഡി പോയിൻറ് പട്ടികയിൽ യുപി യോദ്ധ 9ാം സ്ഥാനത്താണ്. ദബാങ് ഡൽഹിയാണ് ഒന്നാം സ്ഥാനത്ത് തുടരുന്നത്.