Pro Kabaddi League 2019: യു മുംബയെ വീഴ്ത്തി ബംഗാൾ വാരിയേഴ‍്‍സ്

പട‍്‍ന: പ്രോ കബഡി ലീഗിൽ വെള്ളിയാഴ്ച നടന്ന മത്സരത്തിൽ യു മുംബയെ 32-30ന് പരാജയപ്പെടുത്തി ബംഗാൾ വാരിയേഴ‍്‍സ്. പാടലീപുത്ര ഇൻഡോ‍ർ സ്റ്റേഡിയത്തിലാണ് മത്സരം നടന്നത്. ബംഗാൾ വാരിയേഴ‍‍്‍സിന് വേണ്ടി ബൽദേവ് സിങ് ഹൈ 5 നേടി. ബൽദേവിൻെറ മിന്നുന്ന പ്രകടനമാണ് ടീമിനെ വിജയത്തിലെത്തിച്ചത്.

യു മുംബക്കായി സൂപ്പ‍ർ 10 നേടി അ‍ർജുൻ ദേശ‍്‍വാളും മികച്ച പ്രകടനം പുറത്തെടുത്തു. മത്സരത്തിൻെറ തുടക്കം മുതൽ ആദ്യപകുതി വരെ യു മുംബക്ക് തന്നെയായിരുന്നു ആധിപത്യം. സുരീന്ദ‍ർർ സിങിൻെറ ഒരു ടാക്കിളോടെയാണ് അവ‍ർ തുടങ്ങിയത്. ദേശ‍്‍വാളിൻെറ റെയ്ഡ് കൂടി ആയതോടെ അവ‍ർ എളുപ്പത്തിൽ 2-0ന് ലീഡ് പിടിച്ചു. പ്രതിരോധവും ആക്രമണവും ഒരു പോലെ മികച്ച് നിന്നപ്പോൾ അവർ മുന്നേറുന്നുണ്ടായിരുന്നു.

എന്നാൽ മത്സരത്തിൻെറ 11ാം മിനിറ്റിൽ അവ‍ർ ആദ്യ ഓൾ ഔട്ടായി. അപ്പോഴും യു മുംബ 12-5ന് ലീഡ് നേടിയിരുന്നു. ഇതിന് ശേഷമാണ് ബംഗാൾ വാരിയേഴ‍്‍സ് മത്സരത്തിലേക്ക് വ്യക്തമായ തിരിച്ചുവരവ് നടത്തിയത്. ആദ്യ പകുതി അവസാനിക്കുമ്പോൾ അവർ 11-16 എന്ന നിലയിൽ പിന്നിലായിരുന്നു. എന്നാൽ രണ്ടാം പകുതിയിൽ പ്രതിരോധനിര അവരെ വിജയത്തിലേക്ക് അടുപ്പിക്കുകയായിരുന്നു.