ആദ്യ മത്സരത്തിൽ കൊമ്പുകോര്‍ക്കുന്നത് തെലുഗു ടൈറ്റാൻസും യു മുംബയും

ഹൈദരാബാദ്: 2019 പ്രോ കബഡി ലീഗിൻ്റെ ആദ്യ മത്സത്തിൽ ഏറ്റുമുട്ടുന്നത് തെലങ്കു ടൈറ്റാൻസും യു മുംബയും. ഹൈദരാബാദിലെ ഗച്ചിബൗളി ഇൻഡോര്‍ സ്റ്റേഡിയത്തിലാണ് ആദ്യ മത്സരം അരങ്ങേറുന്നത്. ഏഴാം സീസണിൽ ഒട്ടേറെ മാറ്റങ്ങളോടെയാണ് കബഡി ലീഗ് എത്തിയിരിക്കുന്നത്. ഇത്തവണ ഐപിഎല്‍ മാതൃകയില്‍ എല്ലാ ടീമുകളും പരസ്പരം രണ്ടു തവണ ഏറ്റുമുട്ടുന്ന രീതിയിലാണ് (ഡബിൾ റൗണ്ട്-റോബിൻ ഫോര്‍മാറ്റ്) മത്സരം. നേരത്തെ ഗ്രൂപ്പ് റൗണ്ട് രീതിയിലായിരുന്നു ലീഗ് നടന്നത്.

വീര്‍ സ്പോര്‍ട്‍സിൻ്റെ ഉടമസ്ഥതയിലുള്ള ടീമാണ് തെലങ്കു ടൈറ്റാൻസ്. ഏഴാം സീസണിൽ സ്വന്തം തട്ടകത്തിൽ തന്നെ ആദ്യ മത്സത്തിന് ഒരുങ്ങിയിരിക്കുകയാണ് ടീം. രണ്ട്, നാല് സീസണുകളിൽ മിന്നും പോരാട്ടം കാഴ്ചവച്ച് തെലങ്കു ടൈറ്റാൻസ് രണ്ടാമതെത്തിയിരുന്നു.

യുണിലേസര്‍ വെൻചേഴ്സ് പ്രൈവറ്റ് ലിമിറ്റഡ് എന്ന കമ്പനിയാണ് യു മുംബയുടെ ഉടമസ്ഥര്‍. 2015 ലെ ചാമ്പ്യന്മാരാണ് യു മുംബ. 2019 ലും മികച്ച പോരാട്ടം കാഴ്ചവക്കാൻ യു മുംമ്പ ഒരുങ്ങിയിരിക്കുകയാണ്. ആദ്യ മത്സരത്തിൽ തെലങ്കു ടൈറ്റാൻസിനെയും രണ്ടാം മത്സരത്തിൽ ജയ്‍പൂര്‍ പിങ്ക് പാന്തേഴ്സിനെയുമാണ് യു മുംബ നേരിടുന്നത്.

മുന്‍ സീസണുകളിലേത് പോലെ ഇത്തവണയും 12 ടീമുകളാണ് പ്രോ കബഡി ലീഗില്‍ ഇത്തവണയും പങ്കെടുക്കുന്നത്. ബെംഗളുരു ബുള്‍സ്, യു മുംബ, ഗുജറാത്ത് ഫോര്‍ച്യൂണ്‍ ജയന്റ്‌സ്, പറ്റ്‌ന പൈറേറ്റ്‌സ്, തെലുഗ് ടൈറ്റന്‍സ്, ബംഗാള്‍ വാറിയേഴ്‌സ്, യു.പി .യോദ്ധ, പുണേരി പള്‍ട്ടാന്‍, ജയ്പൂര്‍ പിങ്ക് പാന്ഥേഴ്‌സ്, ഹരിയാണ സ്റ്റീലേഴ്‌സ്, ദബാംഗ് ഡല്‍ഹി, തമിഴ് തലൈവാസ് എന്നിവരാണ് ഏഴാം സീസണില്‍ നേര്‍ക്കുനേര്‍ പോരാട്ടത്തിനൊരുങ്ങുന്ന ടീമുകള്‍. ഗ്രൂപ്പ് മത്സരങ്ങള്‍ക്ക് പിന്നാലെ പോയിന്‍റ് നിലിയില്‍ മു്നനിലെത്തുന്ന ആറ് ടീമുകകളാണ് പ്ലേ ഓഫില്‍ പ്രവേശിക്കുക. ഒക്ടോബര്‍ 14നാണ് പ്ലേഓഫ് മത്സരങ്ങള്‍ ആരംഭിക്കും. 19നാണ് കലാശപ്പോരാട്ടം നടക്കുക.