PKL 2019: ടൈറ്റൻസിനെതിരെ വിജയവുമായി ആദ്യ അഞ്ചിൽ സ്ഥാനം പിടിച്ച് യു മുംബ

കൊൽക്കത്ത: തെലുഗു ടൈറ്റൻസിനെതിരെ ത്രസിപ്പിക്കുന്ന വിജയവുമായി പ്രോ കബഡി ലീഗ് പോയിൻറ് പട്ടികയിൽ അഞ്ചാം സ്ഥാനത്തേക്കുയർന്ന് മുൻ ചാമ്പ്യൻമാരായ യു മുംബ. കൊൽക്കത്തയിലെ നേതാജി ഇൻഡോർ സ്റ്റേഡിയത്തിൽ നടന്ന മത്സരത്തിൽ 41-27നാണ് മുംബ വിജയിച്ചത്.

പ്രതിരോധനിരയും മുന്നേറ്റനിരയും ഒരു പോലെ താളം കണ്ടെത്തിയതോടെ മുംബ മിന്നുന്ന പ്രകടനമാണ് കാഴ്ച വെച്ചത്. മുന്നേറ്റനിര താരം അർദുൻ ദേശ‍്‍വാൾ 9 പോയിൻറുകൾ നേടി. വിജയത്തോടെ പ്ലേ ഓഫ് സാധ്യതകൾ സജീവമാക്കിയിരിക്കുകയാണ് യു മുംബ.

14 മത്സരങ്ങളിൽ നിന്ന് 43 പോയിൻറുമായാണ് യു മുംബ അഞ്ചാം സ്ഥാനത്തെത്തിയത്. ബുധനാഴ്ച അവർ ബംഗാൾ വാരിയേഴ്സിനെ നേരിടും. പോയിൻറ് പട്ടികയിൽ ദബാങ് ഡൽഹിയാണ് ഒന്നാം സ്ഥാനത്ത് തുടരുന്നത്. 30 പോയിൻറുള്ള തെലുഗു ടൈറ്റൻസ് ഒമ്പതാം സ്ഥാനത്താണ്.

Read More: ദബാങ് ഡൽഹിക്കും ബംഗാൾ വാരിയേഴ‍്‍സിനും വിജയം

ബംഗാൾ വാരിയേഴ്സ്, ബെംഗലൂരു ബുൾസ്, ഹരിയാന സ്റ്റീലേഴ്സ്, യുപി യോദ്ധ എന്നീ ടീമുകളാണ് പ്രോ കബഡി ലീഗ് പോയിൻറ് പട്ടികയിൽ ആദ്യ ആറ് സ്ഥാനത്തുള്ള മറ്റ് ടീമുകൾ.