പ്രതീക്ഷകളുമായി ടിന്റു ലൂക്ക ഇന്നിറങ്ങുന്നു

ഒളിമ്പിക്സ് വനിതകളുടെ 800 മീറ്റര്‍ മത്സരത്തിൽ ടിന്റു ലൂക്ക ഇന്ന് മത്സരിക്കാനിറങ്ങും.എട്ടു ഹീറ്റ്സുകളുള്ള ആദ്യ റൗണ്ടില്‍ മൂന്നാം ഹീറ്റ്സിലാണ് ടിന്റുവിന്റെ മത്സരം. വൈകിട്ട് 7.30നാണ് മത്സരം നടക്കുക.
ടിന്റുവിന് ഇത് രണ്ടാം ഒളിംപിക്സാണ്. 2012ലെ ലണ്ടന്‍ ഒളിംപിക്സില്‍ സെമിഫൈനല്‍ വരെ എത്തിയെങ്കിലും മെഡല്‍ നേടാനായില്ല. 1 മിനുട്ട് 59:17 സെക്കന്‍ഡില്‍ ദേശീയ റെക്കോര്‍ഡ് സ്വന്തം പേരിലുള്ള ടിന്റു 2 മിനുട്ട് 00:56 സെക്കന്റിലാണ് ഇത്തവണ റിയോയിലേക്ക് യോഗ്യത നേടിയത്.