റിയോയിൽ അമ്പെയ്ത്തിൽ ദീപികയും ബൊംബെയ്ലയും പുറത്ത്

റിയോ ഒളിമ്പിക്സില്‍ അമ്പെയ്ത്തിലും ഇന്ത്യക്ക് ഇന്നു തിരിച്ചടി. വനിതകളുടെ അമ്പെയ്ത്തില്‍ മെഡല്‍ പട്ടികയില്‍ ഇടം നേടുമെന്നു പ്രതീക്ഷിച്ചിരുന്ന ദീപിക കുമാരിയും ബൊംബെയ്ല ദേവിയും പുറത്തായി.

പ്രീക്വാര്‍ട്ടറില്‍ ചൈനീസ് തായ്പേയുടെ ടാന്‍ യാ-ടിങ്ങിനോടാണു ദീപിക പരാജയപ്പെട്ടത്. സ്കോര്‍: 6-0.
മെക്സിക്കോയുടെ അലസാന്ദ്ര വലന്‍സിയയോടാണു ബൊംബയ്ല ദേവി പരാജയപ്പെട്ടത്. സ്കോര്‍: 6-2. നേരത്തെ ടീമിനത്തില്‍ ഇന്ത്യന്‍ താരങ്ങള്‍ ആദ്യ റൗണ്ടില്‍തന്നെ പരാജയപ്പെട്ടിരുന്നു. പുരുഷ വിഭാഗത്തില്‍ മത്സരിക്കുന്ന അതാനു ദാസ് മാത്രമാണ് അമ്പെയ്ത്തില്‍ ഇന്ത്യയുടെ ഏക പ്രതീക്ഷ.