റിയോ പാരാലിമ്പിക്സിനിടെ അപകടം; സൈക്ലിംഗ് താരം മരിച്ചു

റിയോ പാരാലിമ്പിക്‌സ് മത്സരത്തിനിടെ ഉണ്ടായ അപകടത്തെ തുടര്‍ന്ന് ഇറേനിയന്‍ സൈക്ലിംഗ് താരം മരിച്ചു. ബഹ്മാന്‍ ഗോള്‍ബര്‍നെസ്ഹാദ്(48) അണു മരിച്ചത്. പുരുഷന്‍മാരുടെ സി 4-5 ഇനത്തില്‍ പങ്കെടുക്കുമ്പോളായിരുന്നു അപകടം. പ്രാഥമിക ചികിത്സ നല്‍കിയ ശേഷം ആശുപത്രിയിലേത്തിച്ചെങ്കിലും ജീവന്‍ രക്ഷിക്കാനായില്ല. ബഹ്മാന് ഹൃദയസ്തംഭനം ഉണ്ടാകുകയും മരണം സംഭവിക്കുകയുമായിരുന്നെന്ന് അന്താരാഷ്ട്ര പാരാലിമ്പിക്‌സ് കമ്മറ്റി അറിയിച്ചു.



2012-ല്‍ നടന്ന ലണ്ടന്‍ പാരാലിമ്പിക്‌സില്‍ പങ്കെടുത്ത താരമാണ് ബഹ്മാന്‍. അപകടത്തെ കുറിച്ചു പാരാലിമ്പിക്‌സ് കമ്മറ്റി അന്വേഷണം ആരംഭിച്ചു. ബഹ്മാന്റെ മരണത്തെ തുടര്‍ന്നു പാരാലിമ്പിക്‌സ് വില്ലേജില്‍ ഇറാന്‍ പതാക പകുതി താഴ്ത്തി കെട്ടി. ഞായറാഴ്ച നടക്കുന്ന സമാപന ചടങ്ങിലും ദുഃഖസൂചകമായി മൗനം ആചരിക്കുമെന്നും പാരാലിമ്പിക്‌സ് കമ്മറ്റി അറിയിച്ചു.