കന്നി ഒളിമ്പിക്സിൽ ലളിത ബാബർ ഫൈനലിൽ; സുധ പുറത്തായി

ഇന്ത്യന്‍ അത്‌ലറ്റിക്‌സിലെ പുത്തന്‍ താരോദയമായ ലളിത ബാബ‍ര്‍ റിയോ ഒളിമ്പിക്സിൽ ഫൈനലിന് യോഗ്യത നേടി. മഹാരാഷ്ട്രയിലെ സത്താരയില്‍ നിന്നുള്ള ഈ 27കാരി ദേശീയ, അന്തര്‍ദേശീയ മല്‍സരങ്ങളില്‍ മികവ് തെളിയിച്ചാണ് റിയോയിലെത്തിയിരുന്നത്. കഴിഞ്ഞ വര്‍ഷം ഇന്ത്യയിലെ മികച്ച കായികതാരത്തിനുള്ള അവാര്‍ഡ് ലളിതയ്ക്കായിരുന്നു.

ഒളിംപിക്‌സില്‍ വനിതകളുടെ 3000 മീറ്റര്‍ സ്റ്റീപ്പ്ള്‍ചേസില്‍ നാലാമതായാണ് ലളിത ഫിനിഷ് ചെയ്യാനായത്. നിലവില്‍ ഈയിനത്തിലെ ദേശീയ റെക്കോഡ് ലളിതയുടെ പേരിലായിരുന്നു. ഒളിമ്പിക്സിൽ ലളിത ദേശീയ റെക്കോര്‍ഡ് മറികടക്കുന്ന കാഴ്ചയാണ് കണ്ടത്. ഇതോടെ ഇവർ ഈയിനത്തിൽ ഫൈനലിന് യോഗ്യനേടി. ​ 9:19.76 എന്ന തന്റെറെ ക്കോർഡ് സമയമാണ് ലളിത ഓടിയെത്തിയത്. കഴിഞ്ഞ വര്‍ഷം വുഹാനില്‍ നടന്ന ഏഷ്യന്‍ ചാംപ്യന്‍ഷിപ്പി ല്‍ സ്വര്‍ണം നേടിയാണ് ലളിത ഒളിംപിക്‌സിനു യോഗ്യതനേടിയത്.

ഇതേ ഇനത്തിൽ ഹീറ്റ് 3യിൽ ഇറങ്ങിയ സുധ സിങ് നിറം മങ്ങി. ഒമ്പതാമതായാണ് ഫിനിഷ് ചെയ്യാനായത്.