പട്ടിണി കിടന്നെത്തിയ അഭയാ‍ർത്ഥി താരത്തിന്‍റെ ജൂഡോ കരുത്ത്

ഇത് പൊപോലെ മിസെംഗ. റിയോ ഒളിമ്പിക്സിനെത്തിയ കോംഗോ താരം. ഇന്ത്യയുടെ ജൂഡോ താരം അവതാർ‍ സിങ്ങിനെ മലർത്തിയടിച്ചാണ് പുരുഷന്മാരടെ 90 കിലോഗ്രാം ജൂഡോയിൽ 32 പേരുടെ എലിമിനേഷൻ റൗണ്ടിൽ വിജയം നേടിയത്.

കോംഗോയിൽ ജനിച്ച പോപോലെ ആറുവയസ്സുള്ളപ്പോഴാണ് കോംഗോ ആഭ്യന്തരയുദ്ധമുണ്ടായത്. യുദ്ധത്തിൽ അമ്മ കൊല്ലപ്പെട്ടു. പോപോലെ കാട്ടിൽ ഒളിവിൽപോയി. പിന്നീട് രക്ഷാപ്രവർത്തകര്‍ കിൻഷാസയിൽ എത്തിച്ചു. പിന്നീടാണ് കായികരംഗത്തെത്തുന്നത്. മൂന്ന് വ‍ർഷം മുമ്പ് ലോക ജൂഡോ ചാമ്പ്യൻഷിപ്പിൽ പങ്കെടുക്കാൻ ബ്രസീലിലെത്തി അവിടെ അഭയം തേടി.

പരിശീലകൻ തന്നെയും മറ്റൊരു താരത്തേയും മുറിയിൽ പട്ടിണിക്കിട്ട് പൂട്ടിയിട്ടെന്നും റിയോയിലെത്തുംമുമ്പ് പൊപോലെ പരാതി ഉന്നയിച്ചിരുന്നു. പക്ഷേ അഭയാർത്ഥി ടീമംഗമായി ഇദ്ദേഹം ഒളിമ്പിക് കമ്മിറ്റിയുടെ സഹായത്തോടെ റിയോയിലെത്തി. ഇനി മെഡൽനേട്ടത്തിനായുള്ള തയ്യാറെടുപ്പിലാണ് പൊപോലെ.